الصفحة دي ممكن شرح مبسط جدا جدا لبعض المصطلحات الخاصة بالمحاسبة اللي ممكن يستخدم فكرتها بعض رواد الاعمال.. الصفحة مش هاتشرح المصطلح بتفاصيله ومعادلاته اللي تقدر تنفذها – لانها – مش موجهه للمحاسبين – ولكن هاشرح فكرة “مجرد الفكرة” لبعض المصطلحات اللي ممكن يقابلها حد مش متخصص في المحاسبة ..فيبقي فاهم الموضوع بطريقة تشبيهية.
Financial Ratio Analysis
في بعض الاحيان بيقي صعب اننا نقول ان الشركة ماشية كويس ولا لا .. لاننا معندناش دلائل نتكلم بيها ..فبيبقي الموضوع وجهات نظر ..فلازم نحدد ارقام معينة نتكلم بناء عليها..خاصة لما نيجي نقارن اداء الشركة بالشركات المنافسة او باقي الشركات بشكل عام
الارقام دي اغلبها تحت مسمي اسمه Financial Ratio Analysis
هاتكلم منها – بشكل مبسط جدا جدا – عن ثلاث انواع:
1- Liquidity ratio:
وهي هل الشركة قادرة تدفع كل debts بحيث تقدر تكمل ولا هايتحجز عليها من بنك او اي داين تاني
كمثال الـ Current Ratio: وده انت بتحسب الـ Current Assets علي الـ Current Liabilities
فهل شركتك قادرة توفر Cash في مواعيد دفع المستحقات لمدة 12 شهر.
وكل ما كان الـ Current Ratio عالي ..كل ما كان الـ Risk قليل .. كل ما كان وضعك افضل.
2- Profit Margin:
مدي قوة شركتك علي كسب more money
انت بتحسب الـ Profit Margin عن طريق انك تشوف الـ Revenue بعد ما تخصم منه كل الـ Expenses
فمثلا: لو شركتك كسبت 1000000 ومصاريفها كانت 800000 فبكده انت عملت 200000 Net Profit
وبكده يبقي الـ Profit Margin بتاعك 20%
3- Leverage Ratio:
ودا بيحسب اد ايه الشركة بتاخد debts علشان تقدر تكمل
كمثال الـ Debt Ratio بيساوي الـ Total debts علي الـ total assets
و بتختلف النسبة “المقبولة” من صناعة لصناعة تانية حتي وان كانت نفس الرقم ..
فمثلا ممكن تكون نسبة الـ 40% خطرة فيالـ Tech Industry ومقبولة في الـ Utility Industry
والموضوع بينطبق علي الاشخاص كمان:
انت مثلا ممكن يكون مرتبك 4000 ويكون عايز تاخد قرض هاتدفع منه قسط شقة بـ 1500 وانت مصاريف 800
فكده انت الـ Debt Ratio حوالي 57% ودي ممكن تترفض او تاخد شقة تانية بقسط اقل.
ازاي تقيم “قيمة الشركة”؟
How to Value a Company for Company Valuation and How to Value a Business
لو مثلا انت عندك محل صغير بتبيع فيه عصير ليمون .. لو المحل ده في كل اللي فيه تربيزة وكرسين وكبايات
تكلفة الحاجات دي مثلا 20 $ … لو جالك حد قالك انه هايشتري المحل بتاعك ده بـ 25 $ …هتبيع؟
الفكرة هنا ان في بعض الناس ممكن توافق ..لانها هاتحسب الموضوع ان الـ Assets بتاعت الشركة بـ 20 $ والعرض اللي جاي اكبر من المبلغ ده!!
بس لو انت بتكسب من المحل ده 100 $ في السنة .. هل هاتقبل نفس العرض؟ في الاغلب لا.
لانك هاتبقي كسبت 25 $ وخسرت 100 $ في السنة مدي الحياة
فانا لو عايز اقنعك.. انك تسيب 100 $ في السنة مدي الحياة ..المفروض ادفعلك اد ايه؟!!
في الاغلب الموضوع بيتحسب اني بدفعلك مبلغ معين ..لو انت حطيت المبلغ ده في بنك ..
هتاخد الـ 100 $ في السنة ولمدي الحياة
فـ في المثال السابق: لو افترضنا ان البنك فايدته 10 % ..فانا المفروض ادفعلك 1000 $ علشان اضمنك بديل موازي للـ 100 $ في السنة.
بكده يبقي قيمة الـ business بتاعك مش الـ 20 $ لان دي قيمة الـ Assets .. ولكن
قيمة الـ business هي الـ 1000 $ لان دي القيمة بناء علي المكسب السنوي.
Internal Rate of Return IRR
لو فرضنا انك سافرت جزيرة .. الجزيرة دي ممكن تصطاد فيها سمك ..بس المفروض انك تأجر المركب اللي هتصطاد بيه ..فلو مثلا ايجار المركب 100 جنيه في السنة ..انت هاتبيع المسك و هاتكسب 110 جنيه في السنة.. فلو الموضوع مضمون .. كل ما هتاخد المركب سنة بـ 100 جنيه يعد ما تبيع السمك هاتكسب 110 .. فانت العائد الثابت السنوي بالنسبالك 10 جنيه .. ودا يعتبر 10 % من القيمة اللي انت دفعتها ..النسبة دي اسمها الـ Rate of Return
ودي سهلة جدا انها تتحسب لو بالشكل ده
بس دا لو الموضوع مضمون علي طول.. بس لو قولتلك ان موضوع صيد السمك مش بالشكل ده ..انت هاتدفع ايجار المركب بـ 100 جنيه في السنة .. بس لمدة خمس سنين بس… و العائد بتاعك متغير فهاتكسب في السنة الاولي 20 وفي السنة التانية 50 وفي السنة الثالثة 10 وفي السنة الرابعة 5 وفي السنة الخامسة 10؟
في التوقيت دا انت محتاج تحسب العائد بتاعك بشكل مختلف .. حسبة العائد اللي هايجيلك في التوقيت ده هي اللي اسمها الـInternal Rate of Return والاختصار بتاعها اسمه IRR
فمثلا لو انت رجل اعمال واتعرض عليك مشروعين .. ممكن تشوف لو انت هاتستلف فلوس المشروع من البنك بنسبة فايدة 10 % .. لو حسبت مشروع منهم وكانت نسبة الـ IRR فيه 13 % والمشروع التاني نسبة الـ IRR فيه 10% ..فانت هاتختار المشروع الاول.