دا تجميع لبعض الاسئلة اللي اتكررت عن الـ Education through Gamification ؟
– يعني ايه Gamified Course ؟ مش دا اللي احنا بنعمله اننا بنلعب وبنعمل انشطة داخل التدريب؟
لا مش كده، طيب الموضوع من الاول .. في حاجة اسمها الـ Gamification
اتفرج مثلا علي الفيديو ده
عابرة عن شخصين – بيستخدموا الزهر Dice – كل واحد بيبقي ليه دور – كل مرة بيحق ليك تعمل حركة واحد بناء علي الرقم اللي طلعلك- ليك حدود الطاولة نفسها “مينفعش توقع الزهر بره الاطار الخشبي بتاعها – في واحد بس بيكسب او ممكن الدور يطلع تعادل .. وهكذا
فانت كده ليك قواعد في اللعب – محدد ليك طريقة اللعب – عارف الهدف اللي المفروض توصله والخطوات اللي بتعملها علشان تكسب – مكسبك بيفرحك لانه بيديك تفاعل مع اصحابك “فانت لما تكسب” تتريق عليه وتهزر معاه .. ،هكذا
فالـ Gamification بيعتمد انك تشوف العوامل اللي في الالعاب وتطبقها في سياق تاني معلوش علاقة باللعب
شوف مثلا المثال ده .. دي احد الحاجات اللي طبقت الـ Gamification:هنا هما عملوا لعبة – فيها مستويات مختلفة – بتمسحك انك تكمل – انت بتستفاد وهما بيستفادوا
في حد تاني طبق الموضوع بالشكل ده
فالموضوع ينفع يتطبق علي اي حاجة .. حتي انك ممكن تحول حاجة الناس بتكرها لحاجة الناس حابة تعملها .. زي مثلا ده
اللي احنا اتعودنا عليه.. انك بتتعلم منهج/موضوع/فكرة او حاجة واثناء ما انت بتتعلم “بتوقف” تعليمك” وبعدين تعمل لعبة/نشاط/او اي حاجة تاني دي اسمها Game-Based Learning ..
اللي انا قصدته حاجة اسمها الـ Education Gamification .. ودي انت بتشتغل و تصمم المنهج اللي انت هاتشتغل عليه بناء علي العناصر والمكونات اللي بتبقي في اللعب في اطار تعليمي … الفكرة هنا انك بتعمل منهج محدد مبني علي العوامل دي
الموضوع ده فيه جزئين:
Structural Gamification + Content Gamification
الـ Structural Gamification هو انك بتطبق عناصر اللعبة بس من غير ما تغير في المحتوي نفسه .. دا هيساعد الناس انها تستوعب و تتفاعل مع الموضوع بشكل افضل بكتير من الطرق العادية
الـ Content Gamification هي انك بتدخل عناصر اللعب داخل المحتوي نفسه زي مثلا انك تضيف فكرة الـ Storytelling داخل المحتوي
دي مقالة تتضمن ١٠ امثلة علي تطبيق الـ Gamification في التعليم
ايه الفايدة من الموضوع ده؟
الفايدة ان تحقق استفادة وتتفاعل وتستمتع وانت بتتعلم
بشكل عام طرق التعليم بتتطور بشكل غير طبيعي ..
ممكن تبحث عن الـ Blended learning وتشوف الموضوع وصل لفين .. دا مثلا احد الامثلة :
بس في دراسات كتير اتعملت علي الناس احتياجات الناس من التعليم .. بتهتم بايه وبتتفاعل مع ايه .. وبتفهم وتستوعب حاجات وحاجات تانية لا ليه ..
كمثال: في ناس Need to know فلما توفرله سبب يتعلم علشان هتلاقي الموضوع مختلف معاه في الاستبقال والتفاعل معاك
حد تاني Self-Concept لازم تشركه معاك في تصميم و طرق التقيم اللي هاتطبقها ..
في Readiness to Learn ودا لازم تربطله كل الحاجات اللي بيتعملها وتطبيقاتها في حايته العملية/الشخصية
ممكن تقرا تفاصيل كمثال من هنا: http://www.joe.org/joe/
في مفاهيم كتيير بتطبق و اكتر من نوع بالنسبة للمحتوي
Declarative (knowing what)
Procedural (knowing how)
Situated (knowing when and how)
وبالنسبة للمتعة اثناء التعلم .. احد الدراسات قالت انك الـ Fun فيه ٤ انواع:
Easy Fun
هي انك بتعلب اي لعبة من غير هدف من غير نظام .. شوية لخبطة وخلاص
Hard Fun
وهي العاب بتبقي فيها تحدي – غموض – مشاكل بتعديها
People Fun
هي انك بتستمتع بوجود اشخاص معاك بتعملوا حاجة مشابه/مخالفة لبعض او بتتنافسوا مع بعض
Serious Fun
وهي انك بتعمل حاجة ليها هدف يفيد عائلتك/المجتمع .. زي موضوع التطوع عندنا واستمتاع الناس اللي متطوعة اثناء مجودها وقت التطوع
والـ Gamification هو من افضل الاختيارات اللي بيساعدك تطبق اغلب الحاجات
في ناس بتقول انها محتاجة “افضل نوع في تطبيق العلم”؟
مفيش حاجة اسمها افضل نوع .. او بمعني اصح مفيش حاجة اسمها افضل نوع لكل الناس .. كل حاجة بيبقي ليها مميزات وعيوب
حتي الـ E-Learning او موضوع الـ On The Job Training ليهم عيوب .لبعض الناس . ممكن تبحث عنها او تشوف الصورة دي بتوضح الانواع مميزاتها وعيوبها
فافضل حاجة انك تتعرف علي طريقتك وتشوف اكتر حاجة تناسبك ايه .. و تشوف حاجة بتوفرلك حاجة Mix تتماشي مع اللي انت محتاجه.