هومسكولينج في امريكا

اول ما جيت كالتك كان معايا طالب وحيد امريكى فى المعمل بتاعى وكنت دايما لما اجى اساله فى حاجه تقف قدامى بما انه طالب قديم كان يقولى ” figure this out ” او ” Ask Mr Google” يعنى اعرفها بنفسك 😀 كنت ببقى مضايق الحقيقه ولما بقينا اصدقاء جدا بقينا نهزر كتير على الموضوع ده جدا 😀 بس كان بيجاوبنى فى الاخر 😀 . هوحاليا حصل على الماجستير من كالتك بتقدير 4/4 وشغال فى معمل JPL NASA.

الحقيقه انا كنت منبهر بذكاءه جدا وطريقته فى حل اى مشاكل علميه بتقابله بس مكنتش اعرف ايه السبب لحد اما جه صديق ليا مصرى يزرونى من اسبوعين وكان زميلى ده عندى فى البيت واتكلموا عن ان تعليم ابنه فى المدارس المصريه وانه مستاء من ان المدارس بشكل عام عشان بتقتل فى الطلبه الابداع فقاله طلعه من المدرسه 😀 وايتدى يحكى انه حصل معاه حاجه مشابهه ووالدته طلعته من المدرسه هو واخواته وعلمتهم فى البيت تحت مسمى الهوم سكولينج او التعليم المنزلى وهم سنهم 7 سنين الى 14 سنه. وده كانت بدايه حل لعز حاجات كتير حلوه جدا فى شخصيته 😀

والدته كانت متفرغه لتعليمه هو واخواته. كانت بتعرف التوبيكس اللى بتدرس فى المدارس وبتجيب المراجع بتاعتها وبتديله اكتر من مرجع حول توبيك واحد عشان يبتدى يقرا ويختارمرجع واحد يكمل فيه والدته كانت بتاخد منه حلول الاساله فى نهايه كل شابتر فى الكتاب وحلول الامتحانات المقترحه فى نهايه الكتاب وبتمتحنه بنفسها وتصححله االامتحانات وكمل فى توبيكس كتير بنفس الطريقه وكانت بتذاكرله يوم بيوم فى كل التوبيكس اللى مقصر فيها بس بعد اما يكون حاول جدا بنفسه مرات عديده.

سبع سنين مجهود من ام ذكيه جدا جعلت منه طالب ذكى جدا وعنده قدرات علميه وذهنيه عاليه مظنش ان اى مدرسه تقدر تحققها ووالدته قدرت تخليه يكمل ويتخرج من كالتك وهو شغال حاليا فى ناسا.
#علم_ابنك_بنفسك
#هومسكولينج

https://www.facebook.com/ahmed.soliman.330467/posts/10212144366912847