لأنك لما بتسمع رأي معارض لرأيك، أو شخص يديك معلومة تنسف شيء بقالك كتير شايفه صح،
عقلنا المسكين بيعمل حاجة اسمها:
Cognitive dissonance
وهي الشعور بحالة من التوتر وعدم الارتياح نتيجة وجود فكرتين متعارضتين في مخنا..
العقل ميقدرش على التناقض ده لأنه بيحب الاتساق..
وهنا يصبح في ورطة وعليه أن يختار بين طريقين:
١- إنه يفكر ويتحقق من حقيقة المعلومة الجديدة المعارضة لفكرته. (العقلانية). وده شيء مرهق وصعب وبيضايق لأنه بيحسس الشخص إنه كان غلط ومبيقكرش كويس.
٢- إنه يتجنب مصدر المعلومة الجديدة ويكرهها ويبعد عنها قدر الإمكان عشان عملية التفكير مرهقة، لكن الإقصاء سهل وسريع ومريح.
وده بيحصل في المناقشات كتير،
ناس قليلة بتختار الطريق الأول الذي يحتاج لمجهود ومناقشة بصدر رحب وترحيب بالتغيير لو ثبت صحة المعلومة المقدمة،
والأغلبية تعتمد على الهروب والإقصاء والإهانة.
وطبعا معروف إن السهل فخ!
الأشجار لا تنمو إلا بإسقاط كل أوراقها كل فترة..
فأي طريق تختار أنت؟