١= مرحلة ما قبل فخر العرب: المعطيات تؤدي الي نتائج
بداية متابعتي لمحمد صلاح كانت سببها حبي للـ Case Studies اللي بتحصل علي الـ Social Media وتوثقيها
الموضوع ابتدي بانتقاله من نادي بازل لنادي تشيلسي الانجليزي
وبداية “زحمة التعليقات بالعربي علي صفحتهم بالشكل اللي خلاهم يبدؤا يعملوا بعض البوستات Custom بحيث تبقي متاحة للمصرين بس
https://drive.google.com/…/1Wqe071q1r_-dQ-_KBmxLFnNImHqVf4TN
الكلام ده حصل “تقريبا” وقت الـ Case الاشهر وقتها لما الحساب الرسمي لبايرن ميونخ الالماني نزل بوست تفاعلي “لمصر بس” قبل مواجهة بارين ميونخ ضد فريق بروسيا دورتموند – في التوقيت – اللي كان في احتمال ان فريق بايرن ميونخ الالماني يلاعب الاهلي المصري في بطولة كاس العالم للاندية،
وقتها احد المتابعين المصريين للصفحة كتبلهم
Al Ahly will take you behind the factory of chair
او الاهلي هياخدكم ورا مصنع الكوراسي
هتلاحظوا ان بوست الصفحة الرسمي حقق 8426 لايك،
في حين ان تعليق مصنع الكراسي حقق 9200 لايك..و وصل عدد الشير الي 1800 شير،
الامر اللي خلي ادمن الصفحة وقتها يسأل عن معني “مصنع الكراسي”،
وطبعا وجود 1200 رد علي التعليق يوضحلك ان الادمن عرفوا قصة مصنع الكراسي.. كرسي كرسي.. وطبعا الموضوع اتشرح بالانجليزي والالماني 
https://drive.google.com/…/1jy5AQG9DF8Qu4cpkz0gkjrBk6…/view…
بعد الماتش واللي انتهي بفوز بايرن ميونخ ٣/٠ الادمن كتب في البوست “الموجه لمصر بس” كلمة “مصنع الكراسي”،
ودا خلي البوست يحقق اكثر من 15 الف لايك، واكثر من 5 الاف شير،
ودا رقم كبير جدا جدا وقتها، وطبعا مش هاطول و اقولكوا حصل ايه تاني لما اتكتبلهم موضوع “الاهلي هايعمل معاكوا – الجلاشة – والتعليق حقق اكثر من 5 الاف لايك،
لكن اعتقد ان دا من اهم اسباب ان “حاليا” كل صفحات وحسابات الاندية العربي بيتم ادارتها من شركات مصرية وعربية مش اجنبية.
https://drive.google.com/…/1_cREF4WoKyCzf57Vu6l2k5YJN…/view…
رجوعا لمو صلاح،
فترة صلاح لم تكن الافضل – علي المستوي الفني – في تشيلسي، لكنها كانت بداية انتشار اسمه Online لانه بيلعب في نادي يعتبر واحد من اكبر اندية انجلترا، بالاضافة الي انه بيتدرب مع مورينهو “الملقب وقتها” بالمدرب الاستثنائي، ودا ادي لبداية التفاعل معاه كـ “صلاح” بغض النظر اه اللي بيقدمه كمستوي فني. ودا ظهر جدا واتبروز لما انتقل من تشيلسي لنادي فيورتينا علي سبيل الاعارة لمدة ٦ شهور
لان “حرفيا” في نفس يوم انتقاله في حوالي 400 الف شخص عملوا عدم اعجاب لصفحة تشيلسي وعملوا اعجاب لصفحة فيورتينا، ودا ادي اللي ان الصفحة توصل لمليون متابع وتنزل بوست بالمناسبة دي…
وطبعا حصل احتلال مصري للصفحة وللتعليقات في اقل من ٦ ساعات،
واللي كان ابرز التعليقات فيهم اللي كان واضح جدا مع نفسه لما كتب علي صفحة فيورتينا:
احنا هانقعد ٦ شهور علي صفحتكوا وبعدها هانلم لايكاتنا ونرجع تاني لصفحة تشيلسي
https://drive.google.com/…/1lWADRSAAI2i2wsotARcyeh0mAsi7CUq…
ودا اللي تقريبا اتحقق فعلا، بس تم سحب اللايكات من صفحة فيورتينا، ولكن ذهبت لصفحة روما الايطالي اللتي اتنقل اليها محمد صلاح،
ولما الصفحة نزلت البوست من غير صورة صلاح، كانت التعليقات.. زي ما هاتشوفوا كده
https://drive.google.com/…/14my0yrblWEdbii3xXIEf2tfoP_YksyL…
فترة صلاح في روما كانت فيها تألق فني ملحوظ و كبير جدا،
ودا اللي رشحه للانتقال لنادي ليفربول، واللي شهد بداية عظيمة جدا، البداية اللي جعلت جماهير ليفربول تتغني باسمه
وجعل الواشنطن بوست تكتب مقالة بعنوان
Liverpool soccer fans are quite literally singing the praises of a Muslim player
https://www.washingtonpost.com/…/liverpool-soccer-fans-are…/
٢= مرحلة فخر العرب:المشاعر…لا صوت يعلو فوق صوت المشاعر
مع موسم اول عظيم لصلاح،
بدأت الجماهير في مرحلة التهويل والتعظيم لاي حاجة بتحصل لمو صلاح وكل حاجة معاه…وابتدت معاه الخلاف علي تعريف نفس الشيء،
فمثلا مقارنته “بميسي و رونالدو” في اول موسم كانت غلطة كبيرة، لان عظمة ميسي ورنالدو مبنية علي فترة طويلة جدا من الانجازات، ودا اول موسم لصلاح، دا غير ان ميسي ورنالدو كسروا ارقام لم تتحقق من زمن طويل جدا، بعكس رقم صلاح اللي بينتسب لحقبة الـ Premier Leauge واللي بتتحسب من 1993 فقط.
تفصيل اكثر عن الموضوع ده في التقرير ده:
أشياء فعلها فيرغسون وأخرى لم يفعلها محمد صلاح https://shar.es/a0QYs7
دا غير ان المقارنة دخلت بعض المتابعين والمحبين لصلاح في خلاف مع نفسهم ومع اصحابهم، لان الشخص اللي بيشجع ميسي او رونالدو من كذا سنة، بالنسباله فكرة اقحام صلاح في مقارنة معاهم مش منطقية،
بالاضافة لفكرة ازاي متشجعش ابن بلدك اللي مشرفنا وتستمر في تشجيع ميسي و رونالدو اللي بتشجعهم بقالك سنين وانت كده “خاين لبلدك” خرجت الموضوع اصلا من اي حسابات ومقارنات منطقية وراحت بتعريف صلاح بانه اكثر من مجرد لاعب لمكان هلامي صعب نتفق فيه علي اي معاير.
اخر رصاصة قتلت المنطق والتعريفات بشكل نهائي،
تمثلت في السيناريو الاكثر من درامي لصعود منتخب مصر لكأس العالم..
مصر مصعدتش كاس العالم من اكثر من 28 سنة،
بتلعب ماتش علي ارضها، و لو كسبت هاتصعد،
الماتش بيبدأ بهدف لمحمد صلاح نفسه في اول المباراة،
وفي الدقيقة 86 بيحرز منتخب الكونغو هدف التعادل،
ويظهر شبح عدم الظهور لكأس العالم “المتكرر” طول السنين لينشر الحزن في وجوه الجميع بالوصول للدقيقة 90 وفقدان الامل،
ولكن تأتي ضربة الجزاء في الدقيقة 93 ويحرز محمد صلاح هدف التأهل.
ويظهر احد الفيديوهات بعد انتهاء المباراة رد فعل محمد صلاح وقت هدف التفاعل للكونغو وقبل احراز هدف التأهل،
اللقطة اللي جعلت بعض الناس يطلقوا عليه لقب “امير القلوب الجديد”
https://www.youtube.com/watch?v=SqjeCHXhwDo
من اللحظة دي،
اي محاولة للاتفاق علي “التعريف” و وضع الامور في حجمها ومحاولة انتصار المنطق.. كانت بتتواجه بعبارات حماسية وعاطفية بشكل مبالغ فيه..لتبدأ رحلة قتل كل التعريفات المنطقية.
وطبعا الـ Media ساعدت جدا في الفكرة دي،
فمثلا اعلان فودافون مع محمد صلاح ذكر بشكل مباشر ان
محمد صلاح بطل “ملوش بديل”
Mohamed Salah is ‘a hero that cannot be replaced
https://www.facebook.com/kareemsamara/posts/10155424686928106
طبعا كل التخبط في التعريفات وعدم المنطق في الحكم علي الامور وازدياد الخلافات بين الناس ظهر في اعلي قمة ليه في واحدة من اهم اللحظات، وهي وصول صلاح وليفربول لنهائي دوري ابطال اوربا ضد ريال مدريد
https://drive.google.com/…/1Xu1PoJ_vrGbR4PtoBH7AvjDlb…/view…
واللي شهد اللحظة الاهم والاكثر تأثيرا علي مجري الاحداث كلها وهي اصابة راموس لمحمد صلاح، خاصة ان الاصابة كانت كبيرة وكان في احتمالية ان محمد صلاح ممكن ميقدرش يلعب كاس العالم واللي صلاح كان السبب الاكبر في تأهل منخب مصر ليه.
هنا دخلنا في مرحلة عدمية في كل شيء و اي شيء بيتقال عن محمد صلاح، وابتدي الاعلام ينشر خرفات كتيرة فكرت البعض باللي حصل من الاعلام برضه وقت ماتش مصر والجزائر في تصفيات كاس العالم 2009
https://drive.google.com/open…
وعيشنا و شوفنا ردود افعال اغرب من الخيال..وللاسف انتشرت في كل مكان، ومنها:
– محامي بيقول ان هايرفع قضية علي راموس يطلب تعويض اكثر من مليار يورو لتعمده اصابة صلاح
https://drive.google.com/…/1FZGGkoqLvJPrxAS4v1d3hQfhy…/view…
– اكثر من نص مليون شخص وقعوا علي عريضة علي موقع change.org بيطالبوا الفيفا والاتحاد الاوربي يعاقبوا راموس علي اذيته لمحمد صلاح
https://www.change.org/p/uefa-uefa-fifa-should-punish-sergi…
– ودا بخلاف ان “فرج عامر” اللي كان رئيس لجنة الشباب والرياضة في البرلمان المصري وقتها نشر علي صفحته صورة “تريقة” علي راموس وقال ان الفيفا في طريقته لفرض عقاب سنة علي سيرجيو راموس بعد وصول البلاغات ضده لـ ٦ مليون بلاغ..وقال ان الرقم متوقع يوصل الضعف
https://drive.google.com/…/1UPC8JJryJiJY5IBIlf-br07Am…/view…
– دا غير كم الناس اللي دخلت تشتم في راموس علي صفحته،
ولكن كان الغريب والملاحظ كـ “Behaviour”
انهم بيعملوا لايك للصفحة الاول..وبعدين يشتموا، السبب اللي خلي بعض الناس تتريق علي السلوك ده لانهم زودا التفاعل علي صفحة راموس بشكل ملحوظ
https://drive.google.com/…/1LZKabVGSMxrM95UP_DyVn192H…/view…
– ومننساش طبعا تجديد “الهبد الديني” لما
خالد الجندي قال ان إصابة محمد صلاح مؤامرة على الإسلام
https://www.facebook.com/noseir/posts/10155758662153049
– دا غير تصدر اكثر من هاشتاج بيشتم راموس لاكثر الهاشتاجات تداولا في تويتر في مصر
https://drive.google.com/…/1ZnEOkerU3AXPhlAYTODui27Qa…/view…
٣= التفاعل..التفاعل باسم محمد صلاح
لحد هنا محمد صلاح مش بيتفاعل باراء او توجهات محددة علي السوشيال ميديا، مجرد شخص مشهور بينشر بوستات وصور عادية وبعض منها بيشكر الجماهير علي دعمها ليه.
علي الجانب الاخر،
السوشيال ميديا “بتلعب وبتستفاد” – علي الاقل – من ناحية التفاعل من شهرة محمد صلاح، فمثلا:
– في ناس عملت منتجات عليها صورة محمد صلاح
https://drive.google.com/…/1hq3bIkiRSvfl9ByyTGjjh38VD…/view…
– في لقطة ظهر فيها “طرف” كتاب كان محمد صلاح بيقراه،
الناس دورت علي الكتاب وعرفت اسمه والكتاب بقي الاكثر تداولا علي جوجل ترند، و مؤلف الكتاب نزل تويتة بيشكر فيها محمد صلاح
https://www.facebook.com/kareemsamarapage/posts/2065429103723045
– كلمة “جنيه استرليني” اصبحت ترند علي مصر بمجرد اعلان تجديد عقد محمد صلاح مع ليفربول، فالمصرين حبوا يشوفوا ابنهم هياخد كام بالصلاة علي النبي كده بالمصري
https://drive.google.com/…/1jYsduSTsWRQPy_MYAaqKyVHuR…/view…
– اي استفتاء كان بيتقال فيه اسم مو صلاح، كان الاكيد مو صلاح هايكسب، مهما كان نوع الاختيارات
https://drive.google.com/…/1tvP2gYEsSAD6SLowdCcfIG697…/view…
الموضوع اتطور و وصل لمرحلة ان كان في شخص بيسأل علي نوع كاميرا في احد جروبات التصوير، فكتب اسم الكاميرا وبيسأل الناس هل
الكاميرا دي:
١- حلوة
٢- مو حلوة
فراح واحد شاف كلمة “مو حلوة”، فافتكر الترند، راح داخل مزود من ضمن الاختيارات “مو صلاح”
وطبعا موصلاح احلي من اي موديل كاميرا فتصدر الاختيارات
https://drive.google.com/…/1PrJVf7ZCnJZmkxxUNKI___gJF…/view…
وبعدها انتشر الترند دا عالميا كمان،
فكان محمد صلاح بشكل مستمر بيكسب استفتاءات افضل لاعب في الاسبوع خاصة لدوري الابطال ، وكان في ناس كتير اجانب بتعلق علي الموضوع ده ان دا بسبب كثرة عدد المصرين وتفاعلهم مش لان محمد صلاح دايما كويس، لدرجة ان لما Dzeko مهاجم فريق روما الايطالي كسب لاعب الاسبوع في احد المرات، حساب AS Roma “فريق محمد صلاح السابق” نزل تويتة بيشكر فيها المصريين، علي اعتبار انهم سمحوا لحد غير محمد صلاح يكسب الاستفتاء
– اشلي يونج لاعب مانشستر يونايتد واللي كان مكلف برقابة محمد صلاح في ماتش ليفربول ضد مانشستر يونايتد ونجح في تحجيم محمد صلاح بشكل كبير في الماتش ده، نزل ستوري علي الانستجرام بعد الماتش بيقول فيها: بطلوا تسألوني، هو مش في جيبي، والله ما في جيبي
Stop asking me, he’s not in my pocket, I swear he’s not
وهنا هو بيشير الي مصطلح مشهور في لغة كرة القدم لما مثلا بينجح المدافع في فرض رقابة علي المهاجم، بيتقال انه حط المهاجم في جيبه
https://drive.google.com/…/1wzQvCa0Q-pBi5NqH3WQHSxSI_…/view…
– سيرجو راموس كان اتصاب “نظريا” في نفس المكان اللي اتصاب فيه محمد صلاح، بس كانت اصابته اخف بكتير، لكن لما نزل صورة مكتوب فيها no days off او مفيش ايام اجازة، طبعا اتعملت حفلة
https://drive.google.com/…/1yCw5idIUHl2oPokCcDDpoQh8n…/view…
– ومع نجاح بعض الصفحات في تحقيق تفاعل كبير باستخدام شهرة محمد صلاح في عمل بوستات تفاعلية حققت نجاح عالي جدا
https://drive.google.com/…/1gOKV8ShlAE7au-rYfv5S-844DzhswHW…
اتحول الموضوع ووصل ان الناس ممكن تعمل اي حاجة علشان تحقق تفاعل من ورا شهرة محمد صلاح،
فمنهم اللي اتريق علي لقطة اتصورت لزوجة صلاح وهي “مش مبتسمة”،
ومنهم اللي قال انه يستحق المركز التاني “من غير ما يقول مين الاول”، ومنهم اللي اتغابي وعمل استفتاء بيقارن سرعة صلاح مع سرعة شركته واللي المفروض تبقي شركة شحن بتهتم بسرعة التوصيل وهو عارف ان الناس هاتختار صلاح انه الاسرع،
بس مش مهم كل كده،
المهم اننا نحقق تفاعل
حتي شركة We للاتصالات، عملت حملة جابت فيها واحش “شبيه” لمحمد صلاح وصورته صورة مشابهة لطريقة احتفال محمد صلاح
https://drive.google.com/…/1m_3ecaQhOHeqYDvrHdvCeILCV_z52v2…
٤= بداية “نهاية” شهر العسل”
بداية تفاعل محمد صلاح بشكل واضح مع السوشيال ميديا كانت قبل انطلاق كاس العالم، لما حصل خلاف بين محمد صلاح واتحاد الكورة،
صلاح وقتها نزل تويتة “بيوصل فيها انه مخنوق”، ودا نفس الكلام اللي بيقوله رامي عباس مدير اعماله وكل ده بسبب اتحاد الكورة وانه استغل صورة صلاح علي طيارة المنتخب، وقتها حصل هجوم شديد جدا علي اتحاد الكورة من محبي صلاح علي كل مواقع التواصل الاجتماعي،
الامر اللي وصل هاشتاج #ادعم_صلاح انه يبقي من اكثر الهاشتاجات تفاعلا علي مستوي العالم
https://drive.google.com/…/1xelV3z19Q1t7yKM8n59wTABkL…/view…
والموضوع اتكرر بعدها في الفيديو اللي صلاح استعان بقوته علي السوشيال ميديا ضد اتحاد الكورة
https://www.youtube.com/watch?v=Izr9A0ov_Nc
وبسبب دعم السوشيال ميديا،
الموضوعات كلها اتحلت ونفذوا كل طلبات صلاح،
طلبات صلاح هنا “في الاغلب” تمت بتسوية،
لان مثلا الموضوعات اللي كان فيها عقود رعاية، الصورة كملت عادي علي الطيارة، بس بعد ما صلاح اتراضي واخد اللي طلبه.
ودا كان اول اختبار من محمد صلاح نفسه لحب الناس ليه.
“”السوشيال ميديا لا تحمي لاعبًا من الغرامات المالية كل يوم،
ونادرًا في مصر ما تعيد الحق إلى أصحابه،
ولكن دعمها لصلاح نجح في هذا وذاك””
https://shar.es/a0QCFb
صلاح شكر الناس علي دعمها بعد ما اتأكد من نتيجته
https://twitter.com/MoSalah/status/990705924921872385
مع انطلاق كاس العالم تم انتقاد صلاح من بعض المواقع والصحف العالمية بسبب ريارته لرئيس الشيشان،
لكن دا مغيرش من رؤية محبين صلاح ليه،
بالعكس، الناس كلها ساندته وقالت انه مكنش يعرف وانه اجبر علي ده بسبب فساد اتحاد الكورة المصري،
و تم الاحتفال بعيد ميلاد محمد صلاح في مدرجات روسيا اثناء مباراة مصر و اورجواي
https://www.facebook.com/kareemsamara/videos/10155619739128106/
ولكن في نفس التوقيت كانت بداية ان الموضوع مختلف عن اللي اغلب الناس فاهماه
https://www.facebook.com/hazem.hamed.39/posts/10156865519245466
وبمرور الوقت ابتدا يبقي فيه اصوات بتنتقد الرغبة غير مفهومة في نزع صلاح عن سياقه، وكأنه بيلعب لعبة فردية والباقي دول ديكور بيساعدوه وبيخدموا عليه وبيلمعوا صورته، مش لاعب كرة قدم في النهاية ضمن مجموعة وفريق
https://www.facebook.com/619285946/posts/10155859313360947
الاصوات دي ابتدت تزيد, خاصة ان – علي الجانب الاخر – في ناس وصل الامر بيها لحد رؤية ان صلاح هو محور الكون وكل حاجة بتدور في فلكه
https://www.facebook.com/photo.php?fbid=10155486838203106&set=a.472233033105
٥= ان كنتم اخوات.. اتحاسبوا
“”السوشيال ميديا صديقة صلاح والجماهير سوف تدعمه والشرط الوحيد الذي تقف عليه الأمور هو كلمه «ابننا» التي يحب المصريين استخدامها عند الإشارة لنجمهم المحبوب. وتبدأ الأزمة عندما تقف هذه الجماهير عن تفاصيل اختلاف صلاح عنهم. بدأ الأمر عند تفاصيل بسيطة مثل حلاقة شعر الجسم، وإعلان الملابس الداخلية وغيرها من التفاصيل غير المستثاغة عند عموم الجماهير المصرية. هذه التفاصيل على بساطتها إلا أنها تكسر فكرة الابن الذي يعيش في أوروبا لكنه ينتمي إلينا وتشكّل حالة من الضيق لأن صلاح هو الابن الذي نتفاخر به ولا نمتلك غيره.””
https://shar.es/a0QCFb
“بالنسبة للناس” وجود اختلافات صغيرة مثل حلاقة شعر الجسم، وإعلان الملابس الداخلية، واتضاف ليها اختلافات و مواقف كبيرة
مثل نشر محمد صلاح لصورة وهو بيضحك في نفس توقيت حادث القطار، طبعا الموضوع ده كان سوء حظ لصلاح، واكيد هو مش قاصد يعمل كده.
لكن بعدها لما خانه التوفيق في التعبير و طلع في فيديو بيتكلم انه مش مهتم بالسوشيال ميديا وان الناس في مصر ماعندهاش شوية منتاليتي،
كان الموضوع محتاج اعتذار،
اعتذار انه علي الاقل ميقصدش اللي وصل او ميقصدش الشكل/الطريقة اللي كلامه وصل للناس بيها…لكن صلاح للاسف معملش كده،
بالعكس، دا طلع اتنقض “بعض” الناس اللي واقفة بتتصيد اي خطأ.
https://twitter.com/MoSalah/status/1105496385011494917
هنا الناس ابتدت تفكر في الموضوع و وتفكر في دعمها الغير مشروط لنجم ليفربول.
٦= “الوردة” الاخيرة علي خد الحب الغير مشروط
احنا بنحب صلاح، وبنحب حب تريكه ليه، وبنحب اجتهاده انه يفضل من الحاجات الحلوه اللي لسه بتفرحنا
صلاح بقي شاطر انه يتكلم، بس لسه مبيعرفش امتي يسكت
البوصله الاجتماعيه البسيطه اللي مش محتاجه بصمه رامي عباس… محتاجه خجل ابو تريكه””
https://www.facebook.com/wesam.fawzy1/posts/10214231605171604
موقف محمد صلاح من دعم عمرو وردة وبعدها نظرته للجمهور بعد الهدف، خاصة وانه كان بيبرق ليهم وجنبه احمد المحمدي بيشاور للجماهير انه مش سامعهم، كانت اللقطة الحاسمة، لقطة وضحت فرق كبير في رؤية الجماهير لنجمها العالمي، خاصة في ظل حدوث احداث مشابهة “اقل في التأثير” من موضوع التحرش، لكنها ردت علي كل الافكار اللي حاولت تأيد موقع النجم العالمي من دعم “صاحبه” المتحرش، منها
– منتخب الجزائر قبل البطولة بكام يوم.. عنده لاعب اسمه هاريس بلقبلة ظهر في فيديو زميله فالمنتخب حارس المرمى بمؤخرته “فعل شخصي من وجهة نظر ناس كتير هنا”.. والدنيا اتقلبت فالجزائر والناس كلها هناك طالبت انه يتم استبعاده من المنتخب
وفعلا جمال بلماضي طلع قال انه خلاص تم استبعاد هاريس بلقبلة من المنتخب ومش هيتم استدعاءه تاني.. وبعدها بلقبلة طلع اعتذر للشعب كله، وبعدها بيومين تم ضم مهاجم مونبلييه الفرنسي أندي ديلور
https://www.facebook.com/ahmed.abdlsalam/posts/2598181373559628
– بمناسبة انه حرام ياجماعة نقطع عيش لاعب كرة قدم اصل هي دي مهنته الوحيدة، سنة 2015 تم اتهام يوسف بلايلي صاحب ال23 عام لاعب نادي اتحاد الجزائر بتناول المنشطات
وتم التحقيق معاه واعترف بتناوله المنشطات
كانت العقوبة ايقافه 4 سنوات “محليا ودوليا” ونادي اتحاد الجزائر فسخ تعاقده واصبح بلا نادي
https://www.facebook.com/photo.php?fbid=2618870924824006&set=a.459134384131015&type=3
– الواحد مستغرب جدا من نغمة إن النقد الموجه للاعيبة المنتخب وخصوصا صلاح بخصوص وردة هو مبالغة في النقد زي المبالغة في الاحتفاء، وإننا شعوب عاطفية، وربنا يحميك يا صلاح من حب المصريين االي هيطلعك السما لأن كرههم هينزلك الأرض، والكلام ده، وده لأن زي ما هو واضح احنا مش بنتكلم عن ضربة جزاء اتشاطت وجت وضربة جزاء اتشاطت وضاعت، عشان يبقى الفرح هنا مبالغة ولا النقد هنا مبالغة، احنا بنتكلم في موقف أخلاقي مالوش علاقة بالملعب نفسه، مشكلة اللاعيبة متطوعين هما اللي راحوا لطوا نفسهم فيها، فلما كنا فرحانيين بصلاح فده عشان الملعب وحتى لما كان بيكون وحش جوة الملعب كنا بنشجعه برضه، لكن الانتقادات اللي موجهة حاليا لصلاح أو المحمدي أو غيرهم فديه مالهاش علاقة بالكورة أصلا، وتاني اللاعيبة هما االي راحوا لغاية الموضوع مش الموضوع اللي راحلهم، وأظن إنه من حق الناس بل من واجبها إنه يكون عندها تحيزاتها الأخلاقية وإنها ترفض بعض المواقف اللي بتشوفها عكس ده، فزي ما من حق صلاح يوزع فرص تانية ومن حق كابتن المنتخب يتضامن مع لاعب متهم بالتحرش الجنسي، من حقنا احنا كمان نعتبر المواقف ديه مخزية
https://www.facebook.com/tarek.hegi/posts/2352468984846147
– وفي فرق كبير جدًا بين عقليات لاعيبة بتكسب سكور كل ماتش بأداء ممتع وتروح تحتفل مع جماهيرها وتحييها بالمنظر الجميل ده.
وبين عقليات لاعيبة بتدعم متحرشين وبتكسب بالعافية بأداء زي الخرة وطلعوا من دور الستاشر على أرضهم وبيبرقوا لجماهيرهم كدة.
https://drive.google.com/…/1422-c_PyDUi3CvZ0TlT4rV3WO…/view…
–
– و تحية الجمهور مش لقطة صغيرة
https://www.facebook.com/tarek.hegi/posts/2361124393980606
– وبمناسبة الفرصة التانية،
احنا اتبسطنا من موقف هيكتور كوبر من استبعاد باسم مرسي “اللي كان وقتها” افضل مهاجم في مصر” ومن استبعاد حسام غالي “كابتن النادي الاهلي في التوقيت ده” لان دا الصح.
دا غير اننا كلنا ايدنا موقف حسن شحاته الشهير من وقف “احمد حسام ميدو” اللي كان اشهر محترف وقتها
https://twitter.com/Ahmed1Afify/status/1147665727446507520
خاصة واننا مسمعناش عن فكرة الفرص التانية لاحمد المرغني واحمد عبد الظاهر
٧- التنمية البشرية: اصلكوا متعرفوش الضغوط اللي عليه
محمد صلاح مش اسمر، ودا “فعلا” شال من عليه ضغط كبير جدا،
مش هاتكلم عن ان ايتو مع برشلونة انه كان بيتوصف بالقرد و وصل الامر انه بيترمي علي “فول سوداني” في الماتشات
http://news.bbc.co.uk/sport2/hi/football/africa/4104067.stm
http://news.bbc.co.uk/sport2/hi/football/africa/4261881.stm
الامر اللي خلي ايتو مياخدش اولاده بعض المباريات لانه قال انه مش هايعرف يشرحلهم الشتيمة والتريقة اللي الجماهير بتوجهاله.
لكن هاكلمك عن شاب اسمر افريقي تاني، شاء القدر انه يكون زميل مو صلاح في نفس الفريق..هاكلمك عن ساديو ماني،
ماني شاب افريقي بيتعرض لضغوط شديدة، وهنا انا مش بتكلم عن فكرة انه بيتشم بسبب و بدون سبب من باب الروشنة المطلقة من “كتائب جهاد الحناجر الالكترونية” التابعة لمحمد صلاح لمجرد انه “مش بيباصي لصلاح” وبيحقد عليه و “عايز بنافسه” بدل ما “يخدّم عليه”، ودا طبعا حق غير مشروع لاي حاقد علي محمد صلاح
http:// http://www.youm7.com/3951706
وبيتم التعامل معاه بالشكل اللازم
http://a.msn.com/01/ar-eg/BBNnqpu
لكن هاقولك ان ماني اللي وصل بمنتخب بلده كاس العالم اللي غايب من ٢٠٠٢، و اللي اترشح ٣ مرات عالتوالي لاحسن لاعب في أفريقيا و كل كرة كان بياخد المركز التاني
اتشتم من اهله و ناسه مع منتخب بلاده لما “مستواه نزل”
لدرجة انه وقف يعيط و هو كابتن المنتخب و زمايله بيحاولوا يهدوه و جمهور ستاد كامل بيشتم فيه
https://www.youtube.com/watch?v=_UZ0dTY_wDk
علي الرغم من ان فريقه “كسب الماتش”
https://www.foxsportsasia.com/…/sadio-mane-liverpool-cries…/
ماني اللي اتصور في فيديو وهو بيمسح حمامات المسجد وطلب من الراجل يمسح الفيديو ولكن الراجل نشره
https://www.youtube.com/watch?v=6AWkBFtmMO4
متكلمش عن اي حاجة ولسه بيحاول.
فالمفروض اني مش محتاج افكرك ان الفرعون المصري اخد بالهدف ده
https://twitter.com/LFC/status/1044469800037216256
جايزة بوشكاش افضل هدف في العام،
في نفس العام اللي سُجل فيه هدف رونالدو في اليوفنتوس وهدف جاريث بال في نهائي دوري الابطال وباقي الاهداف دي
https://youtu.be/qbOhzW4Rqe0?t=20
الموضوع وصل ان في حد عمل فيديو بكل الاهداف اللي كسبت نفس الجايزة من ٢٠٠٩ علشان الناس تقارن الهدف اللي كسب ييه صلاح الجايزة بباقي الاهداف دي
https://twitter.com/wiIlunited/status/1044315271350112256
فمش محتاجين نتكلم عن فضل المشجعين اللي كانوا السبب الوحيد ان صلاح يكسب جايزة احسن هدف في العالم في السنة دي،
https://www.abc.net.au/…/salah-wins-award-for-best…/10302040
https://talksport.com/…/salah-puskas-fifa-award-liverpool-…/
لان نفس الهدف اللي صلاح كسب بيه ده،
مكسبش حتي جايزة افضل هدف في الدوري الانجليزي في الشهر اللي سجل فيه
https://www.dreamteamfc.com/…/mohamed-salah-puskas-award-g…/
الامر اللي عمل رد فعل كبير جدا بين الناس
https://talksport.com/…/worst-goal-puskas-award-fans-liver…/
https://www.balls.ie/…/football-fans-shocked-fifa-puskas-aw…
لدرجة ان بعض الناس وصفت الموضوع ان دي “كدبة ابريل” بس حصلت في شهر سبتمبر
http://feedfootball.com/twitter-says-april-fool-is-in-sept…/
٨= اهداف القلوب: عن البطولات التي لا تنسي بمرور الوقت
بالنسبة لكون صلاح فاز ببطولة دوري ابطال اوربا، فدا انجاز كبير جدا بصفته اول “مصري” يحقق اللقب..
لكن تصريحه بانه “مصري، عربي، افريقي” وصل لمكانة مفيش اي وصلها قبل كده..
https://www.youtube.com/watch?v=Z3258UbV4qI
دا كلام مش صحيح، لان لو المكانة بالبطولات الكروية:
– دروجبا “كوت ديفوار”
هو افضل هداف افريقي في البريميرليج
https://en.wikipedia.org/wiki/Didier_Drogba
– صامويل ايتو “الكاميرون” هو اول لاعب يحصل علي ثلاثية مرتين علي التوالي مع فريقين مختلفين،
الاولي لما كان عنصر اساسي في سداسية برشلونة التاريخية في 2009,
وبعدها لما حقق الثلاثية مع انتر ميلان في 2010
https://en.wikipedia.org/wiki/Samuel_Eto%27o
-جورج وايا ” ليبيريا ” هو صاحب الكرة الذهبية
https://en.wikipedia.org/wiki/George_Weah
https://en.wikipedia.org/…/1995_FIFA_World_Player_of_the_Ye…
– رابح ماجر ” الجزائر ” هو اول عربي يسجل ويفوز بدوري الابطال
https://en.wikipedia.org/wiki/Rabah_Madjer
اما لو اتكلمنا عن اهداف القلوب، فهي المواقف والمبادئ اللي بيختارها اللاعبين وبيساندوها، ودي الحاجة الوحيدة اللي مبتتنسيش
فقبل ما نتكلم عن عم الناس في مصر،
خلينا نوضح الاول قصة عم الناس في “ساحل العاج”.
في 2005 كانت كوت ديفوار بقالها 4 سنين في حرب بين الشمال “باغلبية المسلمين، وبين الجنوب باغلبية الميسحين واللي كانوا ماسكين الحكم في التوقيت ده،
فاحنا بنتكلم عن حرب اهلية طائفية بيتقل فيها الاف من الاشخاص من الطرفين وبيتصاب ملايين،، خاصة وان الشمال رافض التخلي عن السلاح، وفي الجنوب كان في رفض من الحكومة انها تتنفذ قرار الرلمان وتعمل انتخابات الرئاسة في 2005 لان الشمال مسلح وهي بتحاربهم.
وفي وقت انعدام الامل كان في فكرة الصعود لكأس العالم لاول مرة في تاريخ كوت ديفوار موجودة.
كوت ديفوار فازت علي السودان ٣/١ لكنها انتظرت ماتش مصر والكاميرون اللي انتهي بالتعادل ١/١ بعد لقطة درامية لما الكاميرون ضيعت ضربت جزاء في اخر دقيقة في الماتش،
علشان تصعد كوت ديفوار لاول مرة في تاريخها لكاس العالم.
ممكن تعمل بحث علي اليوتوب علي فرحة مصر بالصعود لكاس العالم في روسيا 2018 وتشوف الفرحة والتعامل مع الفرحة كانت عامل ازاي، الناس كلها بترقص وفرحانة ومحمد صلاح متشال علي الاكتاف وبيتلف بيه الملعب والحضري بيرقص فوق العارضة،
تخيل ان كل ده علشان الفرقة مصعدتش كاس العالم من 28 سنة، فما بالك بقي بفريق، بلده في حرب اهلية، وعمره ما صعد لكاس العالم اصلا، متخيل فرحته هاتبقي عاملة ازاي.
في اللحظة دي وبمجرد انتهاء ماتش مصر والكاميرون وتأكيد صعود كوت ديفوار لكاس العالم 2006, دروجبا جمع كل الصحفيين المتواجدين معاهم في ماتش السودان، وجمع كل اللاعيبة جنبه وحواليه،
وكان واقف دروجبا “المسيحي” كتف لكتف مع “كولو توري” المسلم، وقال اننا اثبتنا ان كل الاماكن في كوت ديفوار بكل الاطياف ممكن تتحد علي هدف واحد وتحققه، و وعدناكم ان الفوز والتأهل لكاس العالم هايوحدنا، والهدف ده اتحقق
و ركعوا علي ركبهم، وطلبوا منهم المسامحة وخفض السلاح واجراء الانتخابات في موعدها.
https://www.youtube.com/watch?v=KAW7DF1Ufek
بعدها فاز دروجبا بجايزة افضل لاعب افريقي،
واثناء تكريمه بالجايزة في بلاده من رئيس البلد “المقيم في الجنوب” طلب انه يلعب الماتش القادم قدام منتخب مدغشقر في مدينة بواكي “في الشمال” المدينة المسلحة اللي بتحارب الرئيس،
دروجبا قرر يعمل حاجة لبلاده ونجح في انه يوحد بلد كانت حرفيا منشقة لبلدين.
وبالنسبة لامير القلوب بتاعنا
فالالقاب “و المواقف” ملك حتي الان بشكل حصري عندنا لابوتريكه، والكلام عن “عم الناس” مش هايخلص، واغلبنا عارفه، فانا هاكتفي بالبوستات دي دلوقتي
https://www.facebook.com/photo.php?fbid=843714302410520&set=a.257917984323491
https://www.facebook.com/omer.taher.39/posts/10152699135831891
https://www.facebook.com/tarek.hegi/posts/2337256289700750
اهداف القلوب هي اشياء مينفعش تحققها كرويا، لان زي ما ابو تريكه نفسه كتب عن صلاح لما قرر يلعب برقم 74 “هي اشياء لا تشتري”
https://drive.google.com/…/1cMuvLP_NZZIY2yVjUuTmG-OGt…/view…
بستغرب حتى من اللي بيعتبر السبب الرئيس لشهرة وشعبية ابو تريكة هو انه متدين مثلا، يا جدعان ما هادي خشبة متدين وأسامة حسني متدين ومحمد فضل متدين وخلوق وكيوت وكل حاجة، عايز تقولي إن فيه أهلاوي ناسي لفضل الدوري اللي ضاع ولا الكاس اللي ادام الحرس عشان هو خلوق؟! أكيد لأ، طب إبراهيم سعيد اللي من أصيع لاعيبة التاريخ حد هيقول إن إبراهيم سعيد مش بطقم دفاع كامل من اللي مكتوب علينا دلوقتي نشوفهم في اهلي ولا زمالك؟ الحاجات ديه ممكن تزود مساحة الشعبية للاعب ما آه، تنقله لرقعة جماهير مش مهتمة بالكورة آه، لكن ما بتصعنوش يا جماعة، لو هو مش لاعب كبير الحاجات ديه مش هتصنعه، بل ممكن ماحدش يهتم بيها لو جت من لاعب عادي
https://www.facebook.com/tarek.hegi/posts/2337256289700750
فحتي لما تريكه محضرش في حفل افتتاح كاس الام الافريقية في الاستاد في مصر، بس الدنيا كلها ندهت باسمه
https://www.facebook.com/watch/?v=621670288317541
الحقيقة ان في كل الأحداث اللي صلاح كنا محتاجينه ياخد فيها موقف أخلاقي أو يثبت أو ينفي شئ كان بيخذلنا وكنا برضو بنلتمسله أعذار كتير
أنا بالنسبالك ولا حاجة ياعم صلاح بس فعلا يعني حبل محبتك دلوقتي اللي رابطه هو سيد الناس أبوتريكة وإن اللي يحبه تريكة فرض علينا نحبه مش أكتر .
https://www.facebook.com/mohammad.monem…/…/10217534031696589
والحمدلله تويتات محمد صلاح عن عمرو وردة قفلت باب المقارنة بينه وبين محمد أبو تريكة خلاص للأبد رغم أن الناس شوية وبتنسى.
https://www.facebook.com/ezlam99/posts/10156503999633087
صلاح ممكن يبقي لعيب اسطوري في مصر و الناس تفضل فاكراه , لو هو حابب , لكن لو عاوز يركز في شغله والكوره ع المستوي المهني ف هتبقي لعيب كويس وعظيم بس مجرد ماهتبطل كوره العالم مش هيفتكرك عشان فيه غيرك كتير واحسن منك , يمكن اللي هيفتكرك هما الغلابه اللي انت بتمثل الكحكه اللي في ايد اليتيم بالنسبالهم, فياريت متزعلش اليتيم منك ومتجيش عليه عشان هو مش ناقص والدنيا مبهدلاه
https://www.facebook.com/benjamal89/posts/10157519094123417
حتي التويتة الاخيرة بعد الخروج كانت حزن مش اعتذار،
بس هو تقريبا محدش قال لمحمد صلاح.. إن ابداء الحزن دا حق للمشجع، لكن المسئول والمشارك في هزيمة المنتخب بيطلع يعتذر؟
https://www.facebook.com/photo.php?fbid=2619488448095587
ودا اللي حصل من طارق حامد، اللي كتب اعتذار للشعب المصري رغم انه اكثر واحد عمل مجهود، ودا السبب اللي الناس اكدتهوله انه هو الشناوي بس الاتنين اللي ميعتزروش لانهم عملوا كل اللي عليهم وزيادة
https://twitter.com/TarrekHameed/status/1148286747912134657
٩= كل ده علشان خسرنا ماتش: عن التضاد الذي يوضح المعني و يقويه
لسه في ناس مش قادرة تصدق ان الموضوع ملوش علاقة بالبطولة وانها علي ارضنا او لا،
لسه في ناس مش قادرة تصدق ان الموضوع ملوش علاقة بالكورة اصلا كمكسب وخسارة،
لسه في ناس فاكرة ان الموضوع عادي وان الناس مأفورة واننا خسرنا ماتش وخلاص، ايه يعني، ما الموضوع خلص وكفاية زيطة بقي.
بس بما اننا دايما بننسي، خليني افكرك احنا عملنا ايه في كاس العالم،
حرفيا احنا “اتفضحنا”
لعبنا ٣ مباريات وخسرناهم كلهم،
اخدنا وقتها لقب “حصالة المجموعة”
لاننا كمنتخب مصر ومنتخب “بنما” بس اللي خرجنا من البطولة كلها
بـ ٣ هزائم متتالية و مأخدناش ولا نقطة، يعني واخدين لقي حصالة المجموعة عن جدارة.
وقتها محمد صلاح سجل هدفين في البطولة، و علي الرغم من ان وقتها صلاح محتفلش بالهدفين، بس الموضوع كان عادي، ليه بقي؟
الهدف الاول كان في ماتش روسيا، وقت ما كنا مغلوبين ٣ – صفر، وقتها صلاح سجل ضربة جزاء وكان هايجري يجب الكورة من الجون “زي ما اي لاعيب بيعمل لما فرقته تبقي خسرانة” بس حارس روسيا شاط الكورة و صلاح بعد كده رجع علي نص ملعبنا.
https://www.youtube.com/watch?v=LcONXwe12Xc
لكن وقتها “اتبروزت” مع كل الناس اللقطة اللي صلاح وقع فيها وكان بيحاول يسند علي ايده التانية لان الايد اللي كان المفروض يسند عليها كانت هي الايد المصابة وقت حادثة سيرجيو راموس
https://drive.google.com/…/1SPY1TC3mF7n9aRkne2Q-VRCuB…/view…
وعلي الرغم من تأكيد خروجنا من كاس العالم وقتها
– حتي قبل ماتش مصر والسعودية –
وعلي الرغم من ان كان فيه تقارير بتقول ان في خلافات في المعسكر بسبب اتحاد الكورة، وكان في كلام وشكوك عن فساد اتحاد الكورة وموضوع الاعلاميين اللي راحو المعسكر وسهروا مع اللاعيبة وقعدوا يتصورا كتير وموضوع ان كان في لاعيبة بتسجل لقاءات تليفزيونية بفلوس واللي تم التأكد من كل التفاصيل دي بعدها،
وحتي واحنا في اللحظة دي شايفين صور صلاح في معسكر المنتخب وهو “مكتئب” في التدريبات و زعلانين عليه وعلي اللي وصلناله كلنا
https://drive.google.com/…/1V8FDKw1gvhMRXBLmBhaHX9-da…/view…
وفي نفس التوقيت شايفين ناس بتهزر وتضحك بعد نهاية الماتش وتأكيد الخروج من كاس العالم
https://twitter.com/ajmubasher/status/1009566678722719749
وفي اللحظة اللي كنا بنلوم و بنحاول نتكلم ونهاجم اللي وصلونا للمرحلة دي، واللي اضرت بمحمد صلاح نفسه وضعيت عليه عقد بملاين
https://twitter.com/RassdNewsN/status/1013034786187825152
كان مستنين “فرصة تانية” من صلاح يقول فيها “الحقيقة”،
الا ان صلاح خرج علينا بتويتة تاني يوم ماتش روسيا وقال:
“”الجميع في منتخب مصر متكاتف ولا يوجد اي خلاف علي الاطلاق بيننا.. نحترم بعضنا البعض والعلاقة علي افضل وجه””.
https://twitter.com/mosalah/status/1009495650873069573
هنا بدأت الفكرة ان صلاح لو مأخدش موقف رجولي وقال “الحقيقة”، هايبقي لاعيب عادي ومش هايفضلنا غير ابو تريكة
https://drive.google.com/…/1x3wdiNLCL1xTM-x41nXQMjZn7…/view…
بعدها جه ماتش السعودية،
صلاح جاب هدف – و محتفلتش وقتها برضه مع انه كان هدف التقدم، وبعدها ضيع انفراد لوحده تماما
https://www.youtube.com/watch?v=lEzuFPeSBcA
بعد هزيمة ماتش السعودية “واكتمال الفضيحة”،
جماهير الكورة – اللي سابت كل حاجة بتعملها وسافرت علي حسابها من غير ما تاخد “تذاكر سفر ببلاش” بس علشان تشجع منتخب بلادها، هتفت علي اتوبيس المنتخب اللي خذلها في روسيا
https://www.youtube.com/watch?v=-HLtraQ6rtA
طبعا انا هنا بتكلم عن جمهور الكورة مش المشجعين البلاستيك اللي رفعوا صورة عمر وردة في الاستاد بعد موضوع التحرش،
لكن ورغم كل اللي حصل، الناس عملت هاشتاج #انا_مع_صلاح والهاشتاج بقي ترند علي مصر
https://drive.google.com/…/17m1LJZWUldyXjI-78zHCHQA2lX-cw9N…
فمينفعش الناس تبقي لسه بتتكلم عن الخروج المهين بعد دعم المتحرش،
وتتفاجئ ان اللاعيبة مسجلة اعلانات “للخسارة” في حادثة يمكن الاولي من نوعها في التاريخ
https://www.youtube.com/watch?v=0uCqdn1tvwI
وفكك من حوار ان الاعلان مترسب والكلام الحمضان ده،
لان اعلان بيبسي االلي اتعمل في اول البطولة بلاعيبة المنتخب،
كان رد علي الاعلان اللي عملته شيبسي بمشاهير واشخاص،
وبما ان شيبسي برضه نزلت اعلان بعد الخسارة بنفس الاشخاص
https://www.youtube.com/watch?v=jx5p5tQpNkg
فمفيش احتمال ان اعلان بيبسي دا يطلع “تسريب”.
وكمان نلاقي صلاح ينزل بوست ولا كانه منتخب بلده لسه خسران مباراة ودية
https://drive.google.com/…/1jpOSpUYnlRwgn1jAm6NWsDd-o…/view…
في التوقيت اللي الناس بتشوف لاعيب منتخب الجزائر لما ضيع ضربة جزاء في الماتش مع فريقه ولما فريقه اتعادل وكانوا داخلين علي ضربات الجزاء كان بيموت نفسه مع العياط
https://drive.google.com/…/1wRr8lWro9ELF0hsAUQ6y04FcU…/view…
وتفتكر صورة احمد فتحي، بعد ما جاب جون في نفسه في كاس العالم
https://drive.google.com/…/134wDwS2LwZS3Ip9BAJYDoQJay…/view…
وبعد ده كل تيجي تقول، اصله ماتش وبلاش افورة.
ربما تصح كلمات صلاح عن أن المصريين يحتاجون لمزيد من التعلم والتوقف عن اعتبار أنفسهم يعلمون كل شيء، ولكن هذه الصراحة والموضوعية لم تكن أبدًا طريقة المصريين في تقييمهم لصلاح أو تعاملهم معه، فلماذا لا يعامل جماهيره بالمثل؟
خاصة وأن هذه العقلية التي ينتقضها والتي تجعل المصريين وكأنهم يعلمون كل شيء هي ذات العقلية التي أعطته قدرًا ربما يتجاوز ما حققه بصورة فعلية.
صحيح أن صلاح لم يحقق القليل ولكن الجماهير كانت مستعدة دومًا للمبالغة والمغالاة!
اهم المصادر اللي تم استعارة جزء كبير منها هما تقارير
موقع Midan – ميدان :
– محمد صلاح.. “نمبر وان”
https://shar.es/a0QCFb
لاحمد مجدي: https://midan.aljazeera.net/ahmedmagdi
– صلاح المتكبر.. هل يحق للنجوم طلب الخصوصية؟
https://shar.es/a0QYkU
لـ Louay Fawzy
فيديو
https://www.facebook.com/ahmedabdoallah7/videos/10157598607948993/
– تقرير عن دروجبا وصعود كوت ديفوار لكاس العالم
https://www.lipstickalley.com/…/so-that-time-didier-drogba…/