لما تكون عندك مشكلة اجتماعية في البيت في العيلة أو مشكلة في الشغل فمن فضلك قاوم رغبتك القوية في انك تكتب حاجة زي:
بكره اكبر وادوس عليكم
اللي غلط عارف نفسه
لن أرحم أحدا
هنكسر وراكو قلة
كان غيرك اشطر
لسببين:
اولا ناس من اللي عندك هيحسبوك تقصدهم هم ويبقوا هيموتوا ويبعتوا لك يشوفوا انت زعلان منهم ليه، يعني بلبلة ع الفاضي.
ثانيا ما تحرقش المراكب وراك، سيبها يمكن تحتاجها عشان تتصافوا وتتفاهموا انت واللي بينك وبينهم مشكلة، لكن لما تكبّر الموضوع كده هتخلق عندهم عند وهيبقى ليهم حق عندك.
مش هتستفيد حاجة لو كتبت، هتفش غلك؟ مش هيحصل غير لما يشوفوا البوست وتتأكد ان ده حصل، صح؟ هتعرف ازاي؟ مش هتعرف. ولو عرفت؟ هتبقى صعّبت طريق الرجعة بسبب لحظة غيظ.
مالوش لازمة.