الصورة ديه عظيمة جدا لدرجة اني نفسي اترجمها و اطبعها و انزل الزقها في كل حته ، و السبب أنها بتجمع كل سلوكيات البشر بعد ال trauma
مثال : كريم شغال في شركة و المدير بتاعة هزقه جامد قدام ميرنا البنت اللي بيحبها فحصل عنده trauma , ال trauma ديه أدت أن سلوكياته تبقي مشوهه .. فممكن تبقي :
Flight سلوكيات هوجاء
متمثلة في توتر مستمر و تفكير بلا هدف ، مش عارف ياخد قرارات ، هوس ، رغبة مرضية أنه يبقي مثالي لدرجة أن بيقسو علي نفسه و يجلد ذاته !
Fight سلوكيات عنيفة
يبلطج ع أهل بيته أو موظف اصغر منه ، يتعصب علي اي حاجة تافهه ، يقل أدبه علي اكتر ناس بتحبه بحجة أنه مضغوط
Freeze سلوكيات مشلولة
هو حرفيا زي الجماد ، مش عارف ياخد اي قرار ، محشور ف سيناريوهات كتير بيرسمها في عقله ، مكسور دايما و مش قادر يحس بقيمة نفسه و عشان كدة دايما بيميل للوحدة و الإنعزال
Fawn سلوكيات مزيفة
مش عاوز يطلع اللي جواه عشان خلاص استعر من حقيقته !! معندوش حدود و لا بقي مهتم بكرامته ، شخصية إعتمادية بيتصنع مشاعر و افكار مش بتاعته عشان يعجب الناس و ياخد رضاهم
فلو ركزنا شوية حنلاقي أن مفيش حد فينا منتهجش و لو علي الاقل نوع واحد من السلوكيات الأربعة ديه ، فكلنا ضحايا trauma مختلفة
و يبقي اول الطريق هو إدراك مدي التشوه اللي حصل فينا بسببها .. فخلاص اللي حصل حصل
محدش كان له ذنب فيه ، بس الذكاء و القوة أن الإنسان يوقف دايره ال trauma ديه بالإعتراف بيها و بالتنصل من آثارها المؤذية علي الإنسان و علي اللي حواليه