التصنيفات
افيون الشعوب

كإنك تعبّدت ربنا 80 سنة

ما هو مفيش حد هيدوّر ويتأكد وراك


بيكتب أو تكتب بوست عن فضل العبادة في ليلة القدر، صيام عاشوراء، صيام يوم عرفة، أي عبادة من أي نوع ويحط أي فضْل للعبادة دي من دماغه، أو أي فضْل اتقال قدامه من غير ما يتأكد هل الكلام ده مزبوط أو لا، حديث صحيح أو ضعيف، ومش بس كده، لا ويزوّد كمان إن من بلّغ الناس بالكلام ده هيدخل الجنه! أو زي اللي عمل حِجّة بالظبط! ومن أخبر بيها غيرُه فكأنه تعبّد لربنا 80 عام! وأي رقم بقى مهو محدش كده كده هيدوّر وهيتأكد من المكتوب، إنت كده مش بتاخد ثواب ولا كل حد هيعمل شير هتاخد عليه أجر، إنت كده بتعمل ذنب عظيم جداً نهانا عنه الرسول صلى الله عليه وسلم لما قال “إنّ كَذِباً عليّ ليسَ ككذِبٍ على أحدْ، من كذِب عليّ مُتعمِّداً فليتبوَّأ مقعدهُ من النار” رواه البُخاري، فمتفتروش على النبي بكلام مقالهوش عشان الناس تعملكوا شير وخلاص، واتأكدوا من أي حديث قبل ماتشيّروه عشان الموضوع مش سهل وبسيط أوي كده! شير إيه اللي لو عملته كإنك تعبّدت ربنا 80 سنة ده يا جدعان!

https://www.facebook.com/Al.Hawary74/posts/10154824202516778