التصنيفات
مقالات الضيوف

في حب سحرة فرعون

حاجة في منتهى العظمة والله

من أكتر الناس اللي بحبهم في القرآن هم سحرة فرعون ..
ما بين قسمهم بعزة فرعون وإيمانهم آية واحدة ..
سرعة كبيرة جداً في الاستسلام للحق والإذعان ليه
( فألقوا حبالهم وعصيهم وقالوا بعزة فرعون إنا لنحن الغالبون .. فألقى موسى عصاه فإذا هي تلقف ما يأفكون .. فألقي السحرة ساجدين .. قالوا آمنا برب العالمين )
على طول كده آمنوا من غير تردد

عارف انت الناس اللي مش بتجادل في الباطل ..
اللي عندها ١+١=٢ ..
اللي عندها الصح صح والغلط غلط ..
اللي اول ما تضحلها الحقيقة تسلم بيها على طول من غير سفسطة ..
اللي لو وقعت في الغلط تسميه غلط ومتقعدش تحلل الحرام عشان تبرر لنفسها ..
الناس الواضحة الصريحة اللي عندها من الشجاعة انها تعترف بخطأها من غير أي تردد أو استكبار ..
أهو سحرة فرعون كانوا من الناس دي ..
وأول ما شافوا الحق واضح قدامهم سلموا ليه على طول ..
بل وضحوا بكل شيء مقابل الاختيار ده ..
واتحملوا أقسى العقوبات مقابل الثبات عليه ..
حاجة كده في منتهى العظمة والله

المصدر