التصنيفات
المدونة

عن موضوع لم يُكمل – 2

عن موضوع لم يُكمل
عن توقفك عن عمل شىء مفيد ..لاجل شىء مفيد اخر
عن ايمانك بفكرة..واعجابك بفكرة اخرى
عن مقاومة الاحباط – الاغراءات – الكسل – التخلى عن نجاح شىء مفيد لاجل شىء مفيد

عن تأديب النفس
عن التحمل والصبر لارسال رسالة محددة
عن محاولة السكوت فى وقت القدرة والفرصة المناسبة عن الكلام
عن تطبيق ما تقوله للناس على نفسك

عن الرسائل الربانية
عن قرائتك لهذه الرسائل
عن ايمانك بها
عن الصبر على حكمتها

عن مقاومة الافكار..عن مقاومة الافكار..عن مقاومة الافكار
عن توعية الناس

طيب هانعمل ايه .. احنا اصلا فى ايدينا ايه نعمله
إِنَّ الَّذِينَ تَوَفَّاهُمُ الْمَلائِكَةُ ظَالِمِي أَنفُسِهِمْ قَالُوا فِيمَ كُنتُمْ قَالُوا كُنَّا مُسْتَضْعَفِينَ فِي الأَرْضِ قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا فَأُوْلَئِكَ مَأْوَاهُمْ جَهَنَّمُ وَسَاءَتْ مَصِيرًا”
هنا حالة “الاستضعاف” ما تعفيكش من العقوبة. لأنك مطالب بإنك تاخد “فعل”. و لأن الإرادة الإلهية أصلا بتأيدك في وش الظالم:
في سورة القصص 5-66: ” وَنُرِيدُ أَن نَّمُنَّ عَلَى الَّذِينَ اسْتُضْعِفُوا فِي الْأَرْضِ وَنَجْعَلَهُمْ أَئِمَّةً وَنَجْعَلَهُمُ الْوَارِثِينَ (5) وَنُمَكِّنَ لَهُمْ فِي الْأَرْضِ وَنُرِي فِرْعَوْنَ وَهَامَانَ وَجُنُودَهُمَا مِنْهُم مَّا كَانُوا يَحْذَرُونَ“.

“اعمار الارض” ..دى رسالة عامة ..انت اصلا لو اتحاسبت عليها عمرك ما هاتعرف تعملها ..دور على رسالتك فى انهى جزء فى اعمار الارض…ولو شايف ان
– مفيش حد بيدلك ..دا لان كل واحد بيدور على رسالته ..وانت مبتتبعش علشان رسالتك ..انا عايز واحد يجبهالك “مقشرة” ويوقلك اعمل دى.
– اغلب الناس اللى بتدل الناس “بيبقى بناء على اختيارتها واللى نشأ عنها خبراتها .. ودى مش معاير الناس كلها تمشى عليه
– لو فاكر انك محتاج تسأل ..فانت محتاج تتعلم ازاى تسأل.. وتعليم دا اصلا هايكلفك وقت
– التسويف مش كسل.. الكسل ان مبتعملش حاجة فعلا ..لكن انت بتقضى وقت فى “لايك وشير” بدل ما تدور وتتعلم حاجة ..فانت بكده بتدى حاجة مش مهمة على حاجة مهمة
– انت المفروض عارف ان اغلب الناس بتفتى ..فمتسمعش لحد بيقولك هو كده وخلاص
– مش معنى ان اى شخص فى Position كبير يبقى بيفهم ..مش شرط خاااالص
– لو سألت سؤال غلط هتاخد اجابة غلط
– مفيش حد شاطر فى اكتر من حاجة ..حتى ولو فى..اختار حد مميز فى حاجة معينة واسأله فيها
– متسألش شخص فى اكتر من مجال لانه مش مميز فى اكتر من مجال
– لو مش عارف تلاقى رسالتك “اتاكد” انك مسعتش كفاية ..”وَأَنْ لَيْسَ لِلْإِنْسَانِ إِلَّا مَا سَعَى”
– لو مفيش وقت تدور على رسالتك
فانت لو شلت الحاجات الصغيرة الكتيييييييرة اللى بتعملها مجاملة او استخسار من حياتك ..هتلاقى عندك وقت تلاقى فيه الحاجة اللى انت فعلا بتحبها ولازم تعملها