التصنيفات
المدونة

عن المهارات وسمات الشخصيات

لكن اكثر واهم مهارة هي عدم تقديرك لنفسك


اغلب المهارات وسمات الشخصيات اللي بنشوفها دلوقتي اتعلمناها في المدراس
اتعلمنا مهارات الحفظ و التسميع
مهارة الخوف من مواجهة شخص بيقول
حاجة غلط بس معاه سلطة
مهارة التصنيف ( اللي بيقعد قدام دحيح، وشلة العيال البايظة اللي بتقعد في الاخر)
سلوك السمع والطاعة سواء معاه هاتفهم لما تكبر او لان دا اللي بيجيب الدرجات
بنتعود علي تقبل الظلم ( اللي مش هايحضر محاضرتي او مش هايجيب كتابي ) يعتبر نفسه شال المادة
وفي الاخر بتاخد شهادة اعتماد انك ينطبق عليك كل المواصفات .. واهلك بيفرحوا بيها

لكن اكثر واهم مهارة هي عدم تقديرك لنفسك، لو الأهل مهتموش بيك في النقطة دي..حتي لو كل الناس شايفاك ممتاز، هاتفضل شايف نفسك مقصر.