هاقول لك حاجة قلتها من سنتين ولسه مقتنع بيها..
على قد ما تقدر اتعرف بالناس واكتسب صداقات..
واتعرف بالمجالات المختلفة وحبها..
واحلم وخلي طموحك يكبر..
لكن على قد ما تقدر:
خلي تأثير كل دول عليك اقل ما يمكن..
لو سمعت كلمة وحشة من حد..
لو تبين ان فيه صداقة مزيفة والمفروض تتصدم فيها..
لو ما قدرتش تشتغل في مجال بتحبه..
لو خاب املك في اي شخص او اي موضوع..
لو تعثرت وانت بتحاول توصل لحلم..
ما تخليش حاجة يكون لها تأثير سلبي عليك..
ما تخليش حاجة تاخد في حياتك حق أكبر من حقها..
في قلبك ماشي
في خيالك ماشي
حتى في شخصيتك ماشي
لكن في حياتك لأ،
مافيش حاجة تسيطر عليك..
الاصل ان اعتزازك بنفسك واحساسك بقيمتك وتشجيعك ييجي منك انت، ما دمت امين مع نفسك ومش بتخدعها
فانت مش محتاج حد يديك ثقة بنفسك ويسقف لك،
انت سند كافي ليك..