عارفين ليه “ليس للمتحابين الا النكاح”

عشان لما حد بيحب حد روحه بتكون معاه .. وللأسف لو بعاد عن بعض روحه بتتعب .. بيكون فيها حاجة ناقصة .. الروح دي ساعتها لا يرضيها الا التواجد مع روحها الاخري .. روحها التي تحب وتهوي وتسكن اليها ..

انا فاكر اخت جدتي الله يرحمها ساعة وفاة زوجها مكملتش بعد وفاته شهر تقريبا وحصلته .. مع ان صحتها كانت ربنا يبارك كويسه جدا ..

للأسف البعد بيأثر علي صاحب الأمر بالسلب .. وممكن يهدم صحته ويوجع قلبه .. وجع حقيقي عضوي ..

في قصة في كتاب اسمه “مشارع الأشواق إلى مصارع العشاق” بيحكي ان كان في ولد بيحب بنت وهي بتحبه وراح اتقدملها والدها قاله انها محجوزة لقريبها .. الولد فضل صابر والبنت كمان لحد ما البنت صحتها ضعفت وماتت وبعدها بقليل الولد لم يحتمل وحصلها ..

فهمتوا معني حديث الا تفعلوا تكن فتنة في الارض وفساد عريض .. الولد والبنت ممكن يفضلوا يتكلموا في الحرام .. وممكن الموضوع يتطور لاكتر من كده ..
ومش بستغرب لما الاقي ولد يسقط في سنة دراسية بسبب امر زي ده .. ومش بعيب عليه لما ده يحصل .. بالعكس بفضل اننا نقف جنب الشخص المتضرر .. بغض النظر ده صح او لأ.. لانه بيكون في اسوأ حالاته ..الفقد وحش اوي يا جماعة .. نسأل الله
العافية

عشان كده نفسي كل اهل بنت او ولد ميعسروش امر الزواج .. وييسروا علي الشباب عشان محدش يدعي عليهم دعوة مظلوم .. ودعوة المظلوم لا تُرد ..

اللهم رد لكل يعقوب فينا يوسف قلبه ..!

https://www.facebook.com/adham.ibrahim.330/posts/10156468029535541