أي علاقة إنسانية قايمة على “الانبهار” مبقتش تجذبني بأي شكل؛ لأن المنبهر بيك بيتوقع منك دايما إنك تبقى مثالي، يعني بيتوقع منك اللي عمرك ما هتقدر تعمله؛ وغالبًا المنبهر بيك ميعرفش عنك غير القشور.. مشاكلك مع صحابك دايمًا هتكون مع الصحاب اللي كان في بداية علاقته بيك “منبهر” بيك، ومع الوقت هيكتشف إنك إنسان عادي، وممكن أحيانًا تبقى صديق سئ، ومتقدرش “تبهره”.. لو مرتبط بإنسان “منبهر” بيك؛ فـ كُن على ثقة إن علاقتكم لو مخدتش شكل غير الانبهار، هتنتهي بإنه يشوفك أسوأ إنسان شافه في حياته… العلاقات الصحية بتكون بين شخصين عارفين إن هما الاتنين “عاديين”، بس قادرين يتقبلوا عيوب بعض ويتعايشوا معاها.
إحنا محتاجين ناس يحبونا وهما عارفين عيوبنا ونواقصنا، مش ينبهروا بصورة سطحية يعرفوها عننا مفيهاش عيوب.
https://www.facebook.com/ahmed.medhat.545/posts/2067796719983304