سيب الناس دى تغرق

المنقذين المحترفين على الشواطئ بيعملوا حركه” دونيه ” فى المفهوم الانسانى لكنها صحيحه جدا” فى المفهوم المهنى ..
لما يجى ينقذ شخص بيغرق بيسيب مسافه مترين على الاقل بينه و بين الشخص الغريق لحد ما يتوقف تماما” عن الحركه و المقاومه و يبدأ يغرق فعلا” و بعدها بس يبدأ يتدخل و يسحبه للشط من قفاه .. ده بسبب الخطوره الشديده فى انقاذ الشخص الغرقان و جنونه فى التشبث بالحياه بإى طريقه حتى لو سحبك معاه لتحت او سحب اقرب الناس ليه لانه مش بيكون فى وعيه و بتهاجمه افكار الفناء بقسوه و حياته بتبقى ومضات سريعه مرعبه قدام عينه …
– الكلام ده صحيح فى الواقع ايضا” لازم تسيب مسافه بينك و بين الناس اللى مش فاهمه حاجه .. اللى مش فاهمه نفسها و مش فاهمه هى عاوزه منك إيه … الناس اللى فى منتصف اللاشئ و الضلال الروحى … اللى بيدوروا على إى وقت بدل ضايع او استراحه بين شوطين عن طريقك .. اللى بيحاولوا يتخطوا ناس تانيه بيك .. المزدوجين الرماديين … الناس اللى حياتها مزحومه بناس كتير و تفاصيل كتير و زحمه و الغاز و اسرار
سيب الناس دى تغرق …. احسن تغرقك !!!!

https://www.facebook.com/rahim.epic/posts/1611212272230419