التصنيفات
مقالات الضيوف

سندوتشات طبيعية

يتريأ على صاحبه المحنك عشان عايز/مش عايز طحينة ومخلل


في بلد أهله

بيشربوا رضعة الأسد وشفطة القرد وجرجير باللبن وسموذي فجل وتفة العجل وبلغم الطفل
وبياكلوا سندوتشات مكرونة وضرة وحلالي وفشة وكرشة
وبيعملوا باط البقرة طاجن حتى ديلها وحواجبها ما بيسيبوهمش،
وبيحلوا بالقنبلة والشبح والملك والقومنضان والأميرالاي،
وبيحطوا القشطة ع الحلاوة ع المربى ع الكنافة ع البسبوسة ع القشطة ع الرز بلبن ع عصير المانجا ع النوتيلا ويقلبوا وياكلوا،وحتى محلات الأكل بتاعتهم بتعمل سندوتشات ديناميت وصواريخ ومتخيلين إن آل باتشينو ده نوع بيتزا، ومحلات العصير بتاعتهم بتحول الكيك والبسكوت والمكسرات والمحمصات وملل السرير وإشارات المرور والهدوم الشتوي لمشروبات..

في شاب متخيل إن في حاجة اسمها “سندوتشات طبيعية” وبيتريأ على صاحبه المحنك عشان عايز/مش عايز طحينة ومخلل.

المصدر