التصنيفات
مقالات الضيوف

حكاية ” ابدأ مع جوجل”

من الحكايات المنسية في مجتمع ريادة الأعمال

حكاية ” ابدأ مع جوجل”
المسابقة كانت في ٢٠١٢ من ٦ سنين تقريباً
و كانت برعاية جوجل و جائزتها مليون جنيه كاملة كهدية مش استثمار

الشركتين اللي تأهلوا للنهائي كانوا

” بيقولك” برعاية فودافون
و “وصلني” برعاية اتصالات

و الغريب الأثنين كانوا متنافسين و بيقدموا نفس الخدمة تقريباً و هي التعرف علي حالة الطرق و المرور

في العرض النهائي “وصلني” رفضوا انهم يقدموا العرض علناً و طلبوا يعرضوا للجنة التحكيم سراً لأنهم خافوا انهم يتكلموا علناً و يكشفوا خططهم المستقبلية امام اخطر منافسينهم في الوقت ده وهو ” بيقولك”

“بيقولك” عرضوا و كسبوا المليون جنيه

و في ٢٠١٦ جوجل نفسها قضت علي الشركتين من غير قصد لما دخلت خدمة جوجل ترافيك علي خرائط جوجل و بقت خدمة الشركتين مش بنفس الجودة

الدرس المستفاد ” المنافسة غالباً حتجيلك من حيث لا تتوقع”

شركتين بيتنافسوا و خايفين من بعض مع ان اللي كان منظم المسابقة كان هو التهديد الحقيقي لهم !!!

https://www.facebook.com/tamer.ahmed.1426/posts/10154536979102614