بتعيدوا يوم ٢٥ ديسمبر و لا ٧ يناير

بقالي سنين كتييير بتسأل انت بتعيدي يوم ٢٥ ديسمبر و لا ٧ يناير ?

قررت السنة دي اكتب لكم الاجابة في نقطة مختصرة واضحة
(ماعرفتش بجد اختصر عن كدة ??)

لو مش عايز توجع دماغك و تقرا تفاصيل .. ممكن تعيد عليا اي يوم مافيش مشكلة انا بحتفل كل الايام ???

_ تاريخ ميلاد المسيح غير معلوم

_ تم الاتفاق في مجمع نيقية عام 325 م علي ان يكون الاحتفال يوم ٢٥ ديسمبر بالتقويم الروماني الموافق ٢٩ كيهك في التقويم القبطي

_ اختيار اليوم دة عشان دة اطول ليل و اقصر نهار اللي بعده يبدأ يطول النهار و يقصر الليل كرمز ان بميلاد المسيح يبدأ يقصر الليل (الظلمة)و يطول النهار (النور) ⛅

_ في عام 1582 م اكتشف العلماء خطأ في حساب دورة الارض حولين الشمس (السنة) بحوالي فرق ١٠ ايام ?

_ ببساطة يعني المفروض كنت تصحي الصبح تلاقي انهاردة ٥ اكتوبر مثلا .. قالك لا انهاردة هيبقي ١٥ اكتوبر عشان كنا حاسبين غلط ?

_ و بناء عليه تم تعديل التقويم الروماني و اصبح اسمه التقويم الغريغوري و لم يتم تعديل التقويم القبطي ?

_ بناء عليه يوم ٢٥ ديسمبر لم يصبح موافق ل ٢٩ كيهك ?

_ فضل الاقباط الارثوذوكس يعيدو ٢٩ كيهك الموافق حاليا ٧ يناير و الغرب يعيد ٢٥ ديسمبر✨?????

دة الموضوع بأختصار ??? منغير تفاصيل بجد
_____________________________________________
اضافة
مصدر الكلام :
موقع كنيسة الانبا تكلا
https://st-takla.org/FAQ-Questions-VS-Answers/04-Questions-Related-to-Spiritual-Issues__Ro7eyat-3amma/001-Christmas-Date-7-January-or-25-December.html

بحث القس يوحنا نصيف

https://www.facebook.com/fryohanna.nassif.9/posts/2106545879406128

 

 

https://www.facebook.com/mary.zekry/posts/10161214118155503