التصنيفات
مقالات الضيوف

ايوة احنا بناخد ٣/٤ السرير

ايوة احنا بناخد ٣/٤ السرير و بنتقلب و نتشقلب و احنا نايمين و نعمل رجلينا كدهو !!!

لو مش عاجب يبقي حقي و حقك بقي و لو كنتم اخوات اتحاسبوا !!

اخد نصيبي في التسريحة … النص بالنص اللي متاخدة كلها
و متسابلي ١٠ سنتي احط فيها ازازتين الكلونيا و البادي سبراي و كريم الشعر!!

فضيلي بقي رف من اللي فوق البانيو المتاخدين يمين و شمال و محطوط عليه ١٥ علبة شامبو و ١٠ كونديشونر و ٢٠ شاور جيل و غيره من الزيوت و العبوات الملونة اللي مش فاهم مكتوب عليها ايه و انا الشامبو و الشاور جيل اليتامي بتوعي محطوطين علي حرف البانيو !!

اخد نص الجزامة بقي اللي مليانة بوتات و تالونات و شباشب و مبتنقصش.. بتزيد و انا الفردتين اللي حيلتي محطوطين فوق بعض كابسين علي نفس بعض !!

اخد ضلفة و نص في الدولاب !! يعني حضرتك تاخدي ضلفتين و سايبالي ضلفة و كمان مقاسماني فيها بالبلاطي بتاعتك و المونتوهات!!!

كل ده و مستكترين علينا نتقلب شوية في السرير !!؟؟

ها نكمل و لا كفاية ! نمشيها بالحق و المستحق ونشوف مين هيزعل!!!

#دعوة_لتقبل_الآخر
#فلنتعايش

https://www.facebook.com/shady.elgazzar/posts/10155053215877011