ايه اللي بيجمَّع المصريين؟
–
اللي بيجمع المصريين ماتش كورة .. أرابس جوت تالنت .. ذا فويس .. أراب أيدول .. و ما شابه
–
السؤال اللي بيطرح بلح: هل دا معناه ان المصريين تافهين؟
الاجابة: لا .. المصريين غلابة و بيدوروا على أي قصة نجاح .. خرمانين نجاح .. و يا حبذا لو نجاح سريع و ماياخدش أكتر من ساعتين الا ربع بالهاف تايم .. خرمانين بطولة .. حتى لو البطل قصير و بيتهته و عنده لدغة في الألف و اللام .. ال ال ال ال .. خرمانين نصر حتى لو المنتصر مُغنّي .. غلابة و الله .. آخر فرحة نجاح دخلت قلوبهم بقالها داخل على نص قرن ..
–
هنيالو اللي يقدر يعمل قصة نجاح حقيقية في مصر .. حيجمع وراه كل الأطياف .. اللي مستني نجاح حقيقي و اللي راضي بنجاح وهمي ..
https://www.facebook.com/omara007/posts/10155349037254203