لو قولت الحقيقة الناس هتتهمك إنك سلبي وبتحبطهم..
وده له معني مهم إن الوهم صناعة ضخمة وبيحقق مكاسب كبيرة كمان، الناس بتدفع فلوس في الوهم في الآمل في الحلم، نوع من أنواع المخدرات اللي بتطبطب عليك وتطمنك حتي لو محققتش نتيجة، إشتري أمل زائف تاني وعافر وكمل، ولو حد قالك الحقيقة واحبطك متستسلمش، قوم وكمل واثبتلهم انك تقدر وكده
أصحاب رأس المال ادركوا الرابط القوي بين الوهم والحقيقة وقالك المنتج الحقيقي مهما كان سعره رخيص فلازم نربط المنتج بالمشاعر منتجات أكل مرتبطة بالحب والعاطفة والزعل والسعادة مش مرتبطة بالشبع يعني ؟ تؤتؤ .. بالوهم، اشتري منتجات تحسسك بالتوافق وبالنجاح والسعادة والاحترام وتقبل الآخر والاندماج والعزلة والتميز … الخ، سعر ” حقيقة” المنتج ١٠٠ دولار + سعر ” وهم ” المنتج ٩٠٠ دولار = إجمالي المنتج ١٠٠٠ دولار، واصبحت الاشياء لا تقدر بما تمثله ولكن بما تعنيه لك .
السلوك الشرائي قائم علي العاطفة وعلي اعرف ان البشر كائنات حسيه غير منطقية