الناس ال انت عامل حساب كلامهم

شفت الراجل ال مات فى كافيه كييڤ؟؟ آه يا عينى…..بقولك ايه هتخرجوا فين النهاردة؟..
شفتى مش داليا إتطلّقت…آه يا عينى…بقولك ايه جبتى الشّال ده منين ده حلو أوى…
شفت المجنون شريف ساب شغلانته وراح فتح شركة عبيطة كده مش عارف بتاعت ايه…. على فكرة جول الكاميرون كان فاول!
دينا تخنت أوى وجوزها داير على حل شعره حاجة صعبة أوى…بقولك ايه تعرفى حد بيأجّر شاليهات فى الساحل!
شفت يا عينى محمد رفدوه من الشغل وقاعد طول النهار على الكافيهات… بقولك ايه هى طعم القهوة متغيّر؟
الناس ال انت عامل حساب كلامهم وشكلك قدّامهم آخرك معاهم من ٣٠-٦٠ ثانية بيخوضوا فى عرضك، تفتكر ده سبب كافى تبقى عامل حسابهم وانت بتاخد قرارات مصيرية؟؟
الحمد لله

https://www.facebook.com/ahmedelaawar/posts/1453208574752135