الحماس مش هيرجع

وتفضل تعمل Hold لكل الـ Skills اللي عايز تتعلمها لغاية ما ييجي عليك الوقت اللي ماتبقاش عايز تتعلم فيه حاجة جديدة وتاخدك الدنيا وتزهق وبعدين تتعب من أقل مجهود بيتعمل وأنت أصلاً ما بتعملش حاجة.

زمان كانوا بيقولولنا، لا تؤجل عمل اليوم إلى الغد، واحنا كنا بنتريق ونسف على الجملة، وجه اليوم اللي بقى تأجيل العمل نفسه مرض يسري في ضلوعك ونفسك، وتبقى عايز ترجع من تاني، وتقعد تجرب وتجرب لعلك تدرك ما فاتك وبيكون الموضوع أصعب ومع إنشغالك في أمور الحياة بيبقى إنك تفتح كتاب جديد علشان تتعلم أصعب من إنك تقوم تجيب لنفسك كوباية مياة.

الفرص ما بتكررش، الزمن ما بيرجعش، ممكن تحاول ترجع من تاني بس الحماس مش هيرجع زي وقت ما كنت عايز تعمل ده أول مرة، الشغل ما بيخلصش، القرارات ما ينفعش تفضل متعلقة والحل يا تحسمها في لحظتها يا تصرف نظر، الدنيا بتجري واللي مش هيعرف ينظم حياته هيضيع!

#وعن_عمره_فيما_أفناه

https://www.facebook.com/ahmed2li/posts/2020524051323517