التصنيفات
المدونة

التنغيص سنة كونية

ماتحاولش تفرمل ولا تقاوم وماتخافش الطريق هيعدل معاك قدام

التنغيص سنة كونية لازم نتكيف معاها وبتظهر فى كل حاجة لانها جزء من عجينة الدنيا ومن اسرار راحة البال انك تبقى فاهمها.

من تنغيصات الدنيا:

١-تقلب الحالة المزاجية من غير مقدمات

٢- انك تصاب بحالة من الفتور وانخفاض فى الطاقة

٣- انك فجأة تفكر فى حاجات تزعلك وتنكد عليك

٤- انك تحس انك نفسك فى حاجة جديدة ومش قادر عليها

٥- انك تحس انك مالاكش لازمة مع انك امبارح كنت حاسس ان قيمتك عالية اوى

٦- ان ناس تقلب عليك

٧- انك تحس بالوحدة

٨- تحس ان مش عاجبك حد ولا طايق حد

دى احاسيس دورية كلنا بنمر بيها وبنسب مختلفة ومش مطلوب منك اى حاجة وكان عربيتك نازلة على منزل ، ماتحاولش تفرمل ولا تقاوم وماتخافش الطريق هيعدل معاك قدام.

المصدر

لو واعي بالمعطيات، وراجعت ال process اكثر من مرة واتأكدت منها، كمل… كمل زي ما انت وهي هاتزبط معاك قدام