اي حاجة من بعيد بتلمع جدا
الاحتمالات هي سبب المتعة
احتمال ان الشخص – اللي بيقولوا عليه ناجح – يدلني علي طريق النجاح
احتمال ان الشركة دي لما اتعين فيها ألاقي ناس تساعدني علي إظهار مواهبي المدفونة
احتمال لما اسافر البلد دي – اي بلد – ألاقي الظروف تخدمني بدل ما كل الظروف واقفة قصادي في البلد اللي انا فيها
حتي الحاجات الصغيرة
احتمال اهلك يفرحوا بيك لما يلاقوك ناجح فيها
او حتي احتمال انك تحس انك عملت اللي عليك فتبقي راضي عن نفسك
كل دي احتمالات .. ممكن تطلع صح وممكن تبقي غلط .. مش هاتعرف منها غير لما تقرب، تتعرف علي الحاجة، تبقي جزء منها، تبقي شايفها من الناحية التانية عكس الناس
بعيدا عن كل حاجة اتربيت او بمعني أصح “اتعودت” عليها.. غامر باي حاجة في سبيل انك تتأكد من احتمالاتك ..ضحي بآراء الناس، وجهة نظرهم عنك، هايقولوا عليك ايه، اللي هاعمله دا صح ولا غلط
ضحي باي حاجة أحسن من انك تعيش وقت طويل من حياتك مربوط باحتمالات غلط
دور وجرب وأتأكد بنفسك
التصنيفات