اكبر Misleading بيحصل للناس الي لسه بتبدا ال Startups
هي انها بتتخدع في حجم ال Rounds واساميها طبيعي اننا منكونش عارفين اسامي الشركات في بدايتها.
نشر اخبار عن شركات جزء من ال PR الهدف منه ان الشركة تبدا تتعرف.
الي بيحصل ان الناس بتبدا تمنشن بعض علي اساس ان الشركة دي اشتغلت الاسبوع الي فات وخدوا فلوس في الويك اند في قعدة كافيه مع الانفستورز
المسميات سواء pre seed او seed او A مفيش رقيب عليها الشخص بيسميها زي ما يحب يكون PR عامل ازاي
مثال
Seed وواخده رقم كبير فدي شركة فيها بوتنشال
انما شركة سيريس A شركة كبيرة ومش صغيره الخ
لو جيتا بصيتا علي اكبر سيريس A في المنطقة من كام سنه كان لشركة يونيفونيك ب ٢١ مليون دولار
الشركة ما اخدتش pre seed او seed
بس قرروا انها سيريس A .
طيب الشركة اتعملت سنه كام بقي ؟ سنة ٢٠٠٦
خدوا الفلوس دي سنه ٢٠١٨
بعد ١٢ سنه شغل .
احنا اغلبتا معرفناش الشركة غير من ال PR
فبلاش نعمل لبعض البحر طحينه ونفتكر ان الفلوس دي هتترمي علينا بمجرد ما عملت ال MVP وعندك كام عميل لسه في البداية.
متوسط وقت ال Round في ال Seed في المنطقة حوالي سنة .
ايوه سنة بالظبط كدا
من وقت ما تبدا تكلم اول مستثمر لغاية ما تقفل الراوند هتاخد سنه.
سنه من المقابلات والرفض والفرك والحرك والديو دلجنس وارقام رايحه وارقام جايه وناس مش مهتمه وناس مش مقتنعه وناس متعرفكش عاوزه تعرفك والشركة شغاله مينفهش توقف لاي سبب من الاسباب في النص
الي بنشوفه ك PR من اخبار Rounds من الانفسمنت بتكون نتيجه شغل سنه وشوية مش قعدة في قهوة نخلص الموضوع.