التصنيفات
مقالات الضيوف

أخبرنا يا مورينيو

كليشيه مستهلك بس مفيش حاجة بتغلب زي الزمن، أنصار مورينيو دلوقتي بيطالبوا الناس إنها تحترم تاريخه وإنجازاته السابقة، لحظة سيريالية فشخ وأنصار أكتر مدرب أهان خصومه وإستهزأ بيهم وسخر منهم كبير وصغير بيطالبوا الناس بإحترام مسيرته ولحظة ضعفه، المدرب اللي بنى سمعته الإعلامية كلها والهالة اللي حاوطته سنين على أنه حراق وشبح دلوقتي أنصاره بيطلبوله الإحترام والتقدير وشايفين أنه من الظلم ننسف تاريخه عشان تجربة أو إتنين فاشلين، أنصار أكتر مدرب أسس للتنمر في الكورة من يوم ما بدأنا نتفرج إكتشفوا فجأة إن في حاجة إسمها أخلاقيات الإعلام والمهنة، الراجل اللي سخر من فيرجسون في شامبيونز 2004 وقاله طبيعي تبقى زعلان عشان الفريق اللي حط عليك مبني ع ربع ميزانيتك، هو نفسه اللي راح إنجلترا بعدها كسر كل الأرقام القياسية في الإنفاق ع التعاقدات وبعدين بقى بيسخر من فينجر برضه اللي فريقه كان مبني ع عُشر ميزانيته عشان ساعتها الميزانية بقت فجأة ما بتفرقش، وبعدين رجعت تفرق لما جاله فريق تاني يقدر يصرف زيه وأكتر، المدرب اللي وهو لسه بيبدأ حياته ف بورتو أهان واحد من اللي النادي بيقدرهم زي فيريرا بدون سبب، لا كان في عداوة بينهم ولا الراجل كان بينافسه ع شغلانة، بمجرد ما حقق الثلاثية قاله إنت قعدت تشتغل سنين زي الحمار ما حققتش حاجة وأنا جيت ف سنتين عملت كل حاجة..آه قاله إنت إشتغلت سنين “زي الحمار”.

دلوقتي جاري نيفيل بيشخط في بوجبا عشان فرح لما مشي، وكاريك بيجلده ف التدريب عشان ماحترمش مدربه..بوجبا لعيب عنده مشاكل كبيرة وفي خصال من نيمار وعمره ما حيبقى لعيب كبير لو ما تخلاش عنها بسرعة لأن مشاكله ماكانتش مورينيو بس، لكن المدرب اللي نيفيل وكاريك بيطالبوه بإحترامه هو نفس المدرب اللي كان بيلقح عليه بالكلام مرتين في اليوم، وبيطرده من التدريب بدون سبب، هو نفس المدرب اللي لما قرر يدافع عنه طلع قال للصحفيين إنتو بتحقدوا ع بوجبا عشان هو مليونير ومعاه فلوس كتير وإنتو مش لاقيين تاكلوا..struggling to put food on the table، وبعدين لما قفش عليه قرر فجأة إن الفلوس الكتير دي مفسدة، وقال إنه بيحب ماكتوميناي عشان متواضع، مش راكب عربية قد الأوتوبيس ولا لابس ساعة فخمة ولا كل يوم بقصة شعر، الراجل اللي المفروض بوجبا يحترمه ده هو نفسه اللي أهان أسطورة زي شفايني بدون أي سبب على الإطلاق، مجرد إستعراض عضلات مش أكتر، بدل ما يقوله أنا مش محتاجك وتقدر تدور ع نادي نزله يتدرب مع الناشئين وأمر بنقل الدولاب بتاعه برة أوضة لبس الفريق الأول، وبعدين وهو ماشي قاله معلش ما تزعلش إنت محترف وأنا بأقدرك وما تقطعش الجوابات.

اللي فات ده نقطة ف بحر، ولا حاجة في مسيرة مورينيو اللي مليانة مواقف بالمنظر ده، قبل كده لما كان بصحته وعافيته وبيكسب كان كل الكلام ده بيتسمى أي شيء غير مسماه الحقيقي، بيتقال أصل فلسفته كده، أصل دي طريقته، دي معتقداته، ده أسلوبه، الراجل عبارة عن متنمر مراهق عنده 50 سنة والناس كانت بتدور ع الألفاظ بالملقاط عشان تلاقيله الأعذار في كل مرة يعمل فيها حاجة شبه دي، وكل ده كان مفروض بإعتباره أمر واقع وإن عدد أنصاره كبير فعلًا، وجزء كبير منهم مشاريع متنمرين وأشباح ما لقوش نفسهم غير معاه، كان بيعمل الكلام ده ويسموه ألعاب عقلية ومخططات نفسية وأصله بيشيل الضغط مش عارف منين يحطه فين وبيعمل حروب جيل رابع وبيجيد التعامل مع الإعلام وكل الهرس ده، لكن بوجبا طبعًا مش مسموحله يعمل حروب جيل رابع زي مورينيو، ولا حتى يلمح إنه فرحان عشان مشي، لأ لازم يحترم نفسه ويحترم تاريخ الراجل، زي ما هو كان بيحترم تاريخ فينجر وجوارديولا وبيلليجريني وكل الناس اللي وقعوا ف سكته كده.

مورينيو أكتر واحد ف تاريخ الكورة أخد حقه وزيادة من الإعلام، سمى نفسه سبشيال وان قالوله آمين، كان بيشتكي من الحكام والخصوم وأرضية الملعب وجماهير المنافسين والمؤامرات ولعيبة فريقه نفسها في كل حتة بيروحها تقريبًا وبيصيتوه، ماكانوش بيعتبروا ده عجز وإفلاس بالعكس كانوا بيعتبروه قمة الحنكة والذكاء، كان بيتريأ الأول على الفرق اللي بتدافع قدامه رغم إن ميزانيتها أقل من ميزانيته بكتير، أصلًا هو أول واحد طلع مصطلح ركن الباص ع توتنهام لما دافعوا قدامه في 2004 وعرفوا ياخدوا منه نقطة، المصطلح ده ماكانش معروف قبل ما مورينيو يوصف بيه طريقة لعب توتنهام ويقول إنها ماكانتش “عادلة للجمهور ولكرة القدم الرائعة التي قدمناها”، ووقتها طبلوله، وبعدها إتقلبت الآية وبقى بيركن هو قدام فرق ميزانيتها ربع ميزانيته برضه وبرضه بيتطبله، رونالدو أعظم لاعب ف العالم ولو ميسي معاه إتنين بالون دور يبقى هو المفروض يبقى معاه أربعة..الله يا مورينيو يا حراق يا كايدهم..لأ والله ميسي هو أحسن لاعب ف التاريخ وياريت لو ييجي تشيلسي..برضه الله يا مورينيو..لامبارد هو أحسن لعيب إنجليزي..إستنى كده، لأ روني هو أحسن لعيب إنجليزي..إستنى كده، هو إزاي هازار مش بياخد بالون دور؟ إستنى كده..أنا حأشوف أنا فين الأول وبعدين أعرص..وماله يا مورينيو عرص أمال يعني حتقعد ساكت؟

أكتر واحد ف تاريخ الكورة كان بينزل يدافع ويخطف بهجمة إن شالله يكون بيلاعب كوسهام سيتي ويتقال عليه مدرب تكتيكي، حتى في أعظم لحظاته كان بيقدم منتج تكتيكي محدود وفقير وفي نفس الوقت أكتر واحد كان بيتقال على ماتشاته أنها تكتيكية ومعقدة وتفاصيلها أعلى من مستوى إستيعاب المشجع المتوسط، بنى تلات إربع نجاحاته ع إدعاء المظلومية، دايمًا هو أندردوج مسكين ماعندوش إمكانيات ولو لعب كورة وفتح حيخسر 5 و6 و7، سواء كان بيدرب بورتو ولا تشيلسي ولا الريال ولا إنتر ولا مانشستر يونايتد هي نفس القصة، قعد يخري سنين والإشادات بتنزل عليه زي الرز، كان بيركن الأوتوبيس قدام بيب المرفه المحظوظ عشان عنده تشافي وإنييستا، نفس التشافي والإنييستا اللي مورينيو قال أنه أول حاجة كان حيعملها لما يدرب برشلونة أنه يمشيهم ويجيب إيسيان وبالاك، راح ركن الأوتوبيس في نهائي اليوروبا ليج قدام شوية حيوانات منوية ماكناش حنسمع عنهم لولا وصلوا النهائي وبعدين طلع يعيد تعريف تاريخ الكورة ويقول الشعراء ما بيفوزوش والمتعة هي إنك تحرم شوية العيال اللي أكبر واحد فيهم ما كملش 23 سنة من اللي هم عايزينه، والله يا مورينيو يا ترعة المفهومية يا بحر التكتيك يا حارقهم، وطلع علينا محللين بيقبضوا آلافات في دقايق عشان يقولولنا مورينيو لعب مباراة تكتيكية من الطراز الأول، قدام مين يا جماعة؟ قدام دولبرج ودي بلبل وفان أحا اللي كان ممكن يوصلوا النهائي وياخدوا البطولة وما نسمعش عنهم لولا اليونايتد هو اللي بيلعب.

كل ده إتقلب بعد واقعة إيفا جارنيرو، وفجأة الإعلام ما بقاش عنده نفس الإستعداد لأكل الخرة والتطبيل للإنحطاط عشان الموضوع خد أبعاد نسوية وحقوقية أكبر من مورينيو نفسه، بعدها بس بدأنا نشوف المواقع بتنتقد تناقض مورينيو تعريصه وتصريحاته اللي هي عبارة عن سلسلة طويلة من التلون والمكايدة وتلقيح الكلام بمناسبة وبدون، وساعتها إبتدى الكلام عن إن مورينيو أفلس وإنتهى إلخ، فجأة بقى أحا إنت مش حتحترموه ولا إيه؟ ده عمل وسوى وطلع نزل، وكأن كل اللي داس على وشهم وإستغل لحظات عجزهم وفتراتهم السيئة عشان يمسح بيهم النجيلة وينسف تاريخهم ماكانوش بني آدمين ومدربين محترمين وليهم إنجازات وتاريخ وما يستحقوش المعاملة دي، الناس اللي تلات إربع حبها للشخص ده أصلًا سببه أنه حراق وما سابش حد ف حاله وإستغل لحظات نجاحه أسوأ إستغلال ممكن عشان يحسس كل منافسيه بالدونية والفشل، دلوقتي بيطالبوا كل الناس بالإلتزام بأخلاق المهنة وأخلاق الإعلام في التعامل مع فشله.

مورينيو سجل اسمه في التاريخ خلاص كواحد من أنجح المدربين في تاريخ اللعبة عشان بطولاته بتقول كده، بس ده عمره ما حينفي أنه عبر 15 سنة وأكتر كان أسوأ مثال شهدته اللعبة فيما يخص إحترام المنافسين وأخلاقيات المهنة ومبادىء التنافس الرياضي، ومفيش أسوأ منه غير أنصاره اللي هللوا لكل ده مليون مرة ودلوقتي بيطالبوا بالعكس لما حسوا إنه بقى ف نفس الموقف، الراجل ده كان وصل لمرحلة تخليه يصعب عليك حتى لو إنت بتكرهه عمى، يصعب عليك حقيقي مش عشان تعلم عليه أو تتنطط، منظره في آخر مؤتمر بعد ماتش ليفربول وهو بيقول الفرقة دي بتفكرني بفرقتي ف بورتو حاجة تقطع القلب، واحد جار عليه الزمن فعلًا وما بقاش حيلته غير الذكريات، رغم مسيرته المنتنة ده موقف ما تتمناهوش لأي حد، لكن الحمدلله إن أنصاره لسه موجودين وبجحين كفاية عشان يطالبوا بإحترام تاريخه، فكرتونا قد إيه هو كان إبن وسخة وفكرتونا قد إيه إنتو معرصين.

https://www.facebook.com/louay.fawzy/posts/2672305559447083