س: عندي مشكلة بسيطة…….. .
ج: لو دي عندك بسيطة..فأنت بالنسبة لي عبقري..حلها.
س: مشروعي شغال كويس جدا..لكن مابيكسبش.
ج: أمال شغال في ايه.. في الخسارة؟.
س: انا فاهم إدارة..بس العمال والموردين تاعبني.
ج: لو فاهم إدارة هتعرف ان التعب عادي..تعامل.
س: عندي حسابات..لكن مااعرفش باكسب والا بأخسر.
ج: عد فلوس الخزنة وعمل فواتير..مش حسابات.
س: انا درست مشروعي كويس ومع ذلك خسر.
ج: ما جزء الدراسة اللي مااتحققش وسبب خسارة؟.
س: بأدي عمالي سلف وحوافز ووجبة ومابيشبعوش
ج: مرتباتهم كام؟
س: دورت على أي مشروع أعمله..مالقيتش.
ج: المشروع اللي أنت فاهمه..هو اللي بيدور عليك.
س: مافيش طريقة أكسب كتير من رأس مال قليل؟
ج: فيه طبعا..الحمد والقناعة والاكتفاء قبل الكفاية.
س: مشروعات زيي وجداد عني بيكسبوا اكتر مني.
ج: وأنا كمان فيه ناس قدي..مش لابسين نظارات نظر.
س:كسبت من شغل خاص في اسبوع قد مرتب شهر.
ج: اول ماتكسب مرتب ٤ سنين..سيب وظيفتك.
س: أبني/جوزي/ابويا/ أخويا..افقه محدود مش زيي.
ج: وسعي افقك وسيبك من افقه، وعدي الآفاق.
ج: رغم اني انا اللي مأسس المشروع..شريكي متحكم.
س: وسيبته ليه يتحكم..يامؤسس؟.
س: اعمل إيه عشان أزود مبيعاتي،انا عملت كل حاجة.
ج:قَي١م من أول صلاحية منتجك حتى مكانك وأسمك.
س: هل ينفع اعمل مشروع ب ١٠٠٠ جنيه؟.
ج: ينفع طبعا..بس قارن مابين ربحه ودخلك كعامل.
س: مشروع متكلف مبنى ومكن ٥ مليون..يكسب كام؟
ج: من غير سيولة تشغيل مايكسبش.
س: كل سيولتي في خامات عشان بتغلى..لكن مزنوق.
ج: هو انت بتبيع خامات والا بتشغلها وتبيع منتج؟
س: عندي ٨ مليون جنيه بره الشغل..استثمرهم إزاي؟
ج: رجع نصهم للشغل اللي جاب كلهم،والباقي براحتك.
س: عايز أعمل مشروع متكامل مااحتاجش حد.
ج: حتى لو..هتحتاج العمال والموردين والزباين.
س: هو لازم اتوظف الاول عشان يبقى عندي مشروع؟
ج: لا طبعا..لازم تتوظف وتاخد خبرة وتعمل رأس مال.
س:المشروعات تعب ومخاطر وربحها أقل من البنك.
ج: وهي برضه بتقول على البنك اكتر من كده بكتير.