وَيْلٌ لِّلْمُطَفِّفِينَ
التطفيف
جاية من طفيف.. حاجة صغيرة جدًا
سِنتوفة
فرق مش ملحوظ.. حتة بسيطة من حق اللي قدامك
بس القرآن ما قالش
عيب على المطففين
ولا قال
نصيحة للمطففين
قال: ويل
وعيد تقيل.. عشان فرق بسيط .. لو عملنا إسقاط بسيط على واقعنا هتلاقي واحد يقلل الجودة شوية
يقول مش فارقة
بس عند ربنا فارقة
واحد يزوّد دقيقة هنا وينقص دقيقة هناك من وقت الشغل
واحد ياخد فلوس على خدمة ويدي نص الضمير
واحد يطوّل الكشف أو يقصّر فيه حسب المزاج
واحد يحاسب كامل ويسلّم ناقص
كلها حاجات طفيفة.. بس متراكمة
الإيمان مش صلاة بس.. الإيمان ميزان
الإيمان دقة في التعامل
الإيمان إنك تدي الناس حقها كامل
حتى لو الفرق بسيط
المطفف مش بس اللي بيزوّر ميزان المطفف كل حد بياخد أكتر مما يعطي أو يعطي أقل مما اتفق
الخطورة إن التطفيف بييجي متغلف بذكاء بفِهلوة
و انك كدة بتستنصح و جامد يعني.. الموضوع كبير و كارثي و لو المجتمع كله عامل كدة .. هنبقى عايشين في غابة..
زي اللي احنا فيها دي بالظبط