خليني اقولك ان للاسف يا صديقي اننا بقينا في عصر الذكاء الاصطناعي ولسه محتاجين نتكلم في الاساسيات وبكتشف كل يوم ان فيه التباس كبير عند الناس في مفاهيم تعتبر اساسيه جدا وده بسبب حقيقه انا مقتنع بيها من سنين وهي ان اغلب الشائع من معلومات في اغلب المجالات مغلوط
ممكن بقى تقولي يعني ايه تسويق يقدم قيمه؟
للاسف فيه خلط كبير ما بين القيمه والقيم المجتمعيه والاخلاقيه والدينيه يعني ممكن تقول ان فيه تسويق بيسوق للقيم وبينشرها وبيحث عليها لكن لما تقول تسويق بيقدم قيمه هنا بقى تيجي لمعايير الدنيا والبيزنس والقيمه هنا هي القيمه اللي بيحصل عليها العميل المستهدف مقابل ما يدفعه
القيمه غير القيم …
اعتبر ان التسويق عقد ما بين طرفين هما مقدم الخدمه ومتلقيها ولو متلقي الخدمه حصل على ما تم التسويق ليه وكان راضي يبقى هنا حصل على قيمه مقابل ما دفعه وتمناه وده تسويق صحيح حتى لو كان المنتج او الخدمه المقدمه تخالف بعض القيم المجتمعيه
وتعالى بقى اقولك الاصعب ان لو متلقي الخدمه لم يحصل على ما تم التسويق ليه وكان غير راضي يبقى هنا لم يحصل على قيمه مقابل ما دفعه وتمناه وده تسويق غير صحيح حتى لو كان المنتج او الخدمه المقدمه تدعو لتعظيم القيم المجتمعيه
او حتى تلقى منتج او اخدمه غير المسوق له بحجة انه مش عارف مصلحته واحنا بنسوق المنتج الغلط والغير مفيد ولكن عند الاستلام لقى منتج مختلف بس اكثر فائده ويتبع القيم المجتمعيه وده تسويق غلط
القيمه غير القيم …
فيعتقد البعض ان الشخص الهذلي هو انسان تافه ولا يقدم قيمه تستدعي العدد الكبير من المتابعات والمشاهدات في حين انه بيقدم قيمه كبيره بنفتقدها الايام دي وهي البهجه
القيمه اللي يعرفها التسويق هي القيمه اللي بيحصل عليها متلقي الخدمه اما القيم دي بتختلف من فرد لفرد ومن مجتمع لمجتمع ودورها في التسويق هو ان يجب مراعاتها مش علشان احياء القيم المجتمعيه ولكن لمصلحة البراند لكي لا يصطدم مع المجتمع او القوانين المحليه
باختصار واوعى تتلخبط …
احياء واعلاء القيم المجتمعيه مش وظيفة التسويق ولكن يمكن عن طريق التسويق احياء واعلاء القيم المجتمعيه
طيب خليني اقولك امثله فجه شويه
تقدر تفهم منه الفرق اللي بحاول اشرحه
المثال الاول ان فيه شركة في دولة ما بتبيع خ –مور اصليه والعميل طلب المنتج ووصله المنتج زي ما كان متوقع وسكر على الاخر وتمام التمام
والمثال التاني ان فيه شركة بتبيع سبح من الاحجار الكريمه والعميل طلب سبحه من حجر الياقوت الطبيعي ولما وصلته لقاها سبحه فعلا وشيك جدا ولكنها من الزجاج
المثال الاول هو تسويق صحيح ويقدم قيمه حقيقيه للعميل ولكن المنتج مينفعش عندنا لانه يتعارض مع قيمنا المجتمعيه والدينيه ولكن ممكن نعمل زي الشركة دي في الملابس والجلود مش في الخمور
المثال الثاني هو تسويق غير صحيح ومضلل للعميل بالرغم من ان المنتج نفسه غير متعارض مع قيمنا المجتمعيه والدينيه وصلت كده؟
القيمه غير القيم وده ميزان وده ميزان تاني
وعندك في الصوره الموجوده في البوست افضل مثال تعتبره هوم ورك وحاجه تفكرك بالميزان ده
الفنان “العميل” كان طلبه “انا عايز وحده تهزأني تهزأني تهزأني” وهنا العميل حصل على القيمه زي الفل ولكن الخدمه نفسها تخالف القيم الخاصه بينا
- توضيح إضافي بيساعد:
- Value = Benefit, Worth, Utility
- Values = Principles, Beliefs, Morals
Think of value as what you get, and values as what you believe.
Value is the reward or benefit, Values are the rules or principles you live by.
في التسويق، بنفرّق بين القيمة و القيم بشكل واضح:
أما القيم فهي المبادئ والمعتقدات اللي بتوجه سلوك الشركة أو الأفراد. القيم دي هي اللي بتظهر في طريقة تعامل البراند مع العملاء، المجتمع، والبيئة. زي الصدق، الاحترام، أو الالتزام بالاستدامة.
القيمة معناها المنفعة أو الفائدة اللي العميل بياخدها من المنتج أو الخدمة. يعني، إيه اللي بيكسبه أو بيستفيده لما يشتري منك؟ مثلاً لما تبيع منتج بجودة عالية وسعر مناسب، ده اسمه قيمة.
في عالم البيزنس:
- القيمة هي ببساطة إنت بتقدم إيه؟
- القيم هي إنت بتمثّل إيه؟ وبتؤمن بإيه كبراند؟
- القيمة اللي هتقدمها للعميل ممكن تكون: قهوة بجودة ممتازة، خدمة سريعة، وأماكن جلوس مريحة.
- أما القيم اللي هتتأسس عليها العلامة، ممكن تكون: احترام البيئة، دعم المزارعين المحليين، وتقليل استخدام البلاستيك أو النفايات بشكل عام.