مين اللى قال ان الفرص اللى بتضيع ربنا هيبعتلك احسن منها؟

الكلام ده مش موجود فى كتب الدين و لا حتى كتب ميكى موس, مين اللى طلع الكلام ده, عشان تاخد فرصة احسن لازم تعرف الاول الغلط اللى عملته قبل كده م اتكرروش عشان لو جتلك فرصة احسن هتضيعها بردو. ده كلام الناس اللى ملهاش علاقة بالدين و كلام الدين ” إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ” ياعنى مفيش تغير الا لما تغير نفسك اصلا , مشكله الكلام الوهمى ده انه ادى جراءة للناس انهم يسيبوا اللى ايديهم على امل كذاب ان اللى جاى احلى , مع العلم ان اللى جاى احلى او اوحش متعلق بنسبة كمبيرة بطريقه تفكيرك و طريقه تعاملك مع الواقع ,ولو فضلت بفس غبائك هتبقى زى اللى كان معاه الف جنية بس راح خد قرار غبى و جاب بيها 40 فنلة داخلية, وقال اكيد ربنا هيرزقنى بفلوس زيادة , تفتكروا لو حصل وجاله مليون جينة هيعمل ايه ؟ هيعمل نفس القرار الغبى بس على مقياس اوسع شوية , ياعنى هيجيب فنلات و شربات مثلا ,غباء بلا حدود, نفس القصة فى تعاملك مع دراسة او علاقه او فلوس او صداقة او اى حاجة فى الدنيا الفرص هتجيلك لما انت تتغير مش لما تتمرقع وتسيب اللى فى ايدك عشان فرصة وهمية مش موجوده دماغك غير المهوية