من أكتر الحاجات المحبطة لأى خريج دلوقتى هى السوشيال ميديا والجو اللى عليها، لو قارنت نفسك مقارنة مع غيرك فى المطلق وبدون عقل ولا منطق هتتعب جداً، موديلز الربح اختلفت كتير جداً عن زمان، يعنى ممكن تلاقى ولد عنده بتاع 15 سنة بينزل فيديوهات على يوتيوب بتجيب views عالية جداً و بيتعوض من يوتيوب بأرقام فلكية وكام سنة وهيركب عربية ناس كتير خريجة من احسن الكليات متحلمش بيها، وهتلاقى صفحة بيديرها كام واحد فاضيين بتتكلم فى المتشات او بتنزل نكت فيها فوق المليون واحد بتكسب من الاعلانات عليها، وهتلاقى واحد بيعرف يجمع الناس حواليه ويقولهم كام كلمة تحفيز هيعمل ايفنتات وهيكسب كتير. الكلام ده كله محبط جداً على فكرة وممكن يخليك تحاول تعمل حاجة مش بتاعتك عشان تبقى زى الناس دى وبرضه مش هتوصل لان الadvertising model مثلاً اللى بيعتمد على الزحمة مش كل الناس تعرف تعمله. الحل ان كل واحد يمشى فى سكته بصرف النظر عن المقارنة مع اى حد، والحجات المدروسة كويس على المستوى البعيد احسن من الحاجات العشوائية اللى بتعمل عائد وبعد كده بتتكشف.
https://www.facebook.com/Marketerhossamhassaan/posts/10154350880405833