مظلوم؟

مظلوم؟
تمام، ده قدرك وده ابتلاء يبين هتتصرف ازاي وهتحاول ترد الظلم عنك ازاي وهتلجأ لربنا واللا لأ..

بس ما تتحولش لمهزوم بقى..ما تتحولش لزومبي..

حياتك فيها حاجات أكتر بكتير من الظلم اللي واقع عليك..

انشغل بيها وما تركزش في الظلم اللي انت فيه وتعيشه..

اوعى اوعى اوعى يعجبك دور الضحية..

فما يبقاش ليك سيرة غير “شوف عمل ايه” و”شوف قال ايه”..

وكل اللي بتعمله بتدعي عليه وتتحسبن ومش شايله من تفكيرك..

وكل اللي في بالك القصص والمواقف بتتكرر بتتكرر بتتكرر..

دور الضحية دور رهيب، بيستهلك وقتك في اللا شيء..

وبيفرمل حياتك تماما.. تماما..

وبتختلط فيه مرارة الشعور بالظلم مع حلاوة الإحساس بتعاطف الناس وحلاوة الشعور بالطيبة والمسكنة..

سويت اند ساور..

وحياتك فيها أكتر بكتير من الظلم اللي واقع عليك..

حياتك أهم بكتير من انها تضيع على اللي ظلمك..
اوعى اوعى اوعى يعجبك دور الضحية.

المصدر