التصنيفات
المدونة

مش معني أن فيه الم أن لازم يكون فيه معاناة

الالم بالنسبالك رسالة او هوس و سجن

خلينا نتفق أن الألم ( pain ) مختلف تماما عن المعاناة ( suffering) , و سبب رئيسي في معاناة اي انسان هو أنه مش قادر ييستوعب الفرق ..

الألم ده حاجة حتمية ، مفيش حاجة اسمها حياة بلا الم – ده حتي عملية البواسير بلا الم بعد العملية بتعيش لك يومين ألم – ، فاي انسان يفكر أن فيه طريقة سحرية ما تخليه يتجنب الألم ده انسان سطحي ساذج لسه موصلش لحالة النضج الكافي اللي تمكنه من الصمود في الحياة .

بس مش معني أن فيه الم أن لازم يكون فيه معاناة . فمثلا شخص ما خد قرار صعب خلاه يحس بشوية ألم ده مش معناه أن الخطوة اللي بعدها أنه يقفل ع نفسه هو و الالم باب الاوضة و يقضوها معاناة ،،، إنما يستقبل الالم بقوة ، يفهم أسبابه بتواضع ، يعيش كل توابعه بمسؤولية و بعد كدة يكمل طريقه طبيعي جدا !! لكن أنه يدخل ف حلقة مفرغة من الألم و يفضل يصارع جواها مشاعره ، مش حيقدر يطلع منها !! فبدل ما يكون الالم بالنسبة له مجرد رساله لا حيتحول لهوس و سجن ، عايش في ذعر مجهول الالم ..

في النهاية ، الالم مش عدو و لا حتي صديق .. الالم شعور انساني مجرد .. عمره ما حينتهي ، بالعكس ده مرتبط بحركة تطور وعي الإنسان ، كل ما الوعي يكبر كل ما بيشكل الألم جزء مهم في تكوينه .. بس الحكمة أن يوقف عند كونه مجرد ألم ،، مش نتشل قدامه و نسمح له بالسيطرة علي كل مجالات حياتنا تحت مسمي المعاناة ..

المصدر