كنت مرة قرأت فكرة ملخصها كالتالي:
أي تقنية كانت موجودة وقت طفولتك بتعتبرها جزء من الحياة الطبيعية..
التقنية اللي بتظهر وقت شبابك بتعتبرها ثورة عظيمة هتغير العالم
والتقنية اللي بتظهر في آخر عمرك بتعتبرها مؤامرة لإفساد النظام الطبيعي للحياة.
في نفس السياق برضو في فكرة مشهورة عن إن كل جيل بيرى الجيل السابق له متجمد الفكر بينما بيرى الأجيال الأصغر أكثر استهتاراً ورعونة.
وبالرغم إن في المجمل الأفكار دي بترصد واقع صحيح في الطبيعة البشرية.. إلا إن مشكلتي معاها هي اعتبارها قاعدة.. وتجد البعض بيرفض انتقادك لأي شيء جديد من باب إنك شخص تقليدي متحفظ بتخاف من الحداثة.
الناس دي بتتجاهل حقيقة إن هناك حضارات انهارت واندثرت بسبب الأجيال الجديدة اللي كانت أكثر ضعف ورعونة فعلا نتيجة سهولة الحياة اللي عاشوها بسبب التطورات والرفاهية اللي اعتادوا عليها.
مقتطف من كتاب التاريخ كما أحب أن أحكيه لأولادي – د. خالد عمارة