كل ال Models إلى بتتعمل في مصر بتفشل.
لو سالتني ليه فيه عدد Startups في مصر في Early stage أكبر من أي مكان في المنطقة.
و quality أعلى برده من أي مكان في المنطقة ومع ذلك احنا اكتر ناس متاخرة من حيث ال quality و ال quantity في late stage ومعلش اعذروا حشو الانجليزي في العربي.
هيبقي كالتالي :
١- تقدر تبدأ تعمل شركة سهل جدا.
عدد الناس الجونيورز كتير فتقدر تمشي حالك لغاية ما ربنا يكرم.
لما ربنا بيكرم وتروح تكلم مستثمرين انت بتطلب رقم بناء على تنبوء بمرتبات الناس ال Senior الشطار إلى انت متخيل أن مرتباتهم رقم معين بناء على كام حد انت كلمته.
فتتصدم ان مفيش حد في السوق بياخد زي التاني وكل واحد بياخد حسب الشركة إلى هو فيها فيها كام فلوس.
او تكتشف أن فيه فرق رهيب في المرتبات ما بين الناس إلى انت معينها وإلى عايز تعينها فتلاقي الرقم إلى انت حطيته مش هيكفي. فتضطر توقف خطط تاني لل marketing كمثال علشان تحاول تعوض الفلوس دي
وهنا توصل لمرحلة الي رقصت على السلم. مرحلة الزومبي.
لا انت عارف تكبر تروح للمرحلة إلى بعدها.
ولا انت عارف تقفل الشركة وتخسر الناس إلى حطت معاك فلوس فلوسها.
ولا عارف تروح تجيب فلوس تاني.
علشان هو أصلا الناس تديك ليه فلوس تاني؟
تفتكر أن دي الأزمة؟ الحقيقة لا.
لأن بعدها هتشكشف أن انت مكانتش مشكلتك انك تعين ناس Seniors. انت كنت محتاج تعين ناس Managers شطار.
ناس مهمتها انها تعين وتدير ناس شطار.
ووقتها هتكتشف أن المرتبات إلى انت حاططها انت محتاج تضربها في 10x الرقم إلى عندك بدون مبالغه. وعمرك ما كنت تتخيل أن فيه جاب بالشكل دا في مصر .
هوب تكتشف انك عايز Clevel محترم عارف بيعمل ايه.
هتضرب الأرقام دي في 20X.
تفتكر دي المشكلة؟ برده لا.
وقتها هتكتشف أن الناس دي أصلا غالبا بره مصر. سافروا. هاجروا. مش قاعدين هنا. هم أصلا شطار worldwide. حاجة كدا محمد صلاح ايه إلى يخليه يلعب في المقاولين لما لعب في اوروبا.
فأنت هنا محتاج تقنع الناس دي تسيب شركات كويسه. وتشتغل معاك. فمضطر تدفعلهم فلوس بره وتخليهم يعيشوا بره.
وبالتالي انت مضطر في فترة ما تسيب مصر وتنقل بره زي أغلب الشركات إلى نقلت بره.
وطبعا لو ملقتش مصريين انت هتجيب أجانب. بس عموما في الليفل دا مش فارقه في المرتب مصري زي أجنبي.
الشركات التانية في المنطقة بتعمل ايه؟
معندهاش ال فرق في المرتبات بالشكل دا. وشبه معروف في السوق مرتب كل حل في كل Level سواء حد Managerial level ولا جونيور.
فمن أول يوم هو عارف يحط في الشيت بتاعه الي حد ما هو محتاج قد ايه فلوس. بيعرف من أول يوم يجيب ناس Talented بالفلوس إلى جمعها.
ولما بيجيب تيم جامد بيقدر يبيع لمستثمرين تاني بيعة دا التيم إلى هيقلب الدنيا. دا التيم الصح.
أصل لو دي الفكرة الصح والتيم الصح موصلش ليه؟
فملخص الموضوع. فيه Gap كبيرة في مصر. هي Gap ليها علاقة بال Talants. الموضوع بكل المقايسس مش scalable.
متقدرش تبني عليه Model يصلح لأنك تكبر.
ازمات أهمهم أن ال Founders معملوش شركات كبيرة قبل كدا فمش عارفين أن دا الواقع.
و founders مشتغلوش في شركات كبيرة قبل كدا فمش عارفين يقيسوا
ومستثمرين مدخلوش في شركات كبرت قبل كدا.
ولا دخلوا في شركات كبيرة قبل كدا.
فمش متخيل أن فيه شركة هتصرف رقم زي دا.
كله شغال عمياني.