التصنيفات
مقالات الضيوف

ليه في ناس أسرع في عمل الفلوس

سيبك من كلام الكتب شوية وتعالي أقولك الواقع

– في ناس عندها سمات شخصية بتدعمها في صناعة الفلوس أسرع من غيرها بمراحل ونفس السمات دي هتكون عائق قدام ناس تانية، سمات زي الطمع، الجشع، الأنانية، حب الذات، تبرير الوسيلة، النظرة المادية… دي أهم الصفات اللي لو لاقتها في حد اعرف انه في الغالب هيوصل ماديًا وهي نفس الصفات اللي ممكن تكون حواجز قدامك في صناعة الفلوس لو مش عندك وهتبقي في صراع مع نفسك والدنيا لانك بتلعب عكس شروطها..

علميًا بقي ليه الناس دي أسرع في عمل فلوس ؟

– لان النظام الرأسمالي في الأساس بيدعم النزعة الفردية والمادية في كل جوانب الحياة، فأنت بتستفيد من النظام أسرع، وان الطمع والجشع هو وقود الرأسمالية والحافز الأول ليها، وكل مازاد طمعك هتحرك السوق معاك لفوق، وطول ما انت بتبرر الوسيلة هيتيح ليك استخدام الاشخاص والظروف والمواقف لصالحك طول الوقت، ومش بس كده انت هتستفيد بشبكة كبيرة جدًا تدعم تقدمك وتغطية تسويقية للمفاهيم دي تبرر افعالك وترسخ نجاحك وتصنعك موديل للحلم الرأسمالي، لآن النظام بيدعم الأشخاص الوصوليين انهم يوصلوا بالفعل …

ده لايعني انك متقدرش تعملها بنظافة، لكن هتاخد مجهود أكبر ووقت اطول وهتفقد الدعم في غالبية الوقت، وهتلاقي ١٠٠ سد ومشكلة لازم تتخطاهم، وطبعًا يكاد يكون مستحيل تلاحق الفئة التانية اللي النظام بيدعمهم، هتوصل within limit لحد معين وصعب تتخطاه بقواعدك..

خلي اختيارك واضح من البداية واتجاهاتك واضحة وبلاش تقارن نفسك بحد، لو اخترت تبقي عالم متقارنش نفسك بالعالمه، علشان قواعد اللعبة مختلفة وفي الغالب مش صالحك …

المصدر