محدش بياخد أكثر من رزقه …
-طب سألت نفسك ليه طلما الرزق محدد بمقدار هو مخفي عنك؟
– اه طبعاً علشان نفضل نسعي.
– طب مهو لو عرفت رزقك برضوا هتاخده عن طريق السعي هو أصلا مفيش أوبشن في الحياة غير انك تسعي، يعني لو انت عطشان وعارف ان في مياة في التلاجة لازم تسعي وتقوم وتمشي وتفتح باب التلاجة وتطلع المياة مهو ده سعي.
– امال ليه الرزق مخفي ؟
– لان مقدر بيك انت وبأفعالك واختياراتك، لان الدنيا اختبار فأنت ممكن تمتحن بالفقر بس ده مرض لازم تسعي انك تتعالج منه وتاخد بالاسباب وتنجح في الاختبار وتحقق الغني، ربنا مبيحسبش حد علي قدر مفروض لكن بيحاسبه علي الأفعال اللي قام بيها بحرية واختيار .
إذا اختبرت الفقر وانت تؤمن ان الله غني هتعمل ايه ؟
هتستسلم لقدر مخلوق ولا هتسلم للخالق، رسل وأنبياء طلبوا الملك وطلبوا الغني وطلبوا الأولاد وخدوها عادي محدش فيهم قال يمكن مش قدري او نصيبي.
النبؤة بتتحقق بالعمل بيها، والقدر بيتغير وأقدار ربنا متعددة وكتيرة، وبيخلق الأسباب وبيوجد الشئ من العدم، فقير الدعوة هو فقير الظن بالله، الفقر مرض خد بكل أسباب العلاج، الغني فضل ونعمة اطلبها من الله، وآمن بيها وصدقها، اما لو انت مقتنع ان رزقك مرتبط بوضع اقتصادي او مجتمعي او قدر ومكتوب، فأنت محتاج تفهم اكثر عن صفات الله وقدرته، ونوعية إيمانك اكتسبتها منين ومفهمها مصدرها ايه؟
اطلب تعطي.. فكل منْ يطرق الباب يفتح له.