التصنيفات
مقالات الضيوف

ليه اللي يعلمني حرف اصير له عبد

هو ليه اللي يعلمني حرف اصير له عبد ، ليه لازم المقابل يكون عبودية و خضوع ؟! ليه علي قد لحافي امد رجلي ، ليه ميكونش في رفض للتأقلم و القبول المهين ده ؟!! ليه عشان بس بيتي من ازاز مرميش الناس بالطوب ، مع ان حتي و لو بيتي من فولاذ مش من الطبيعي ان اذي حد ؟!! أو يكون المانع الوحيد اني خايف عشان بيتي ضعيف او عرضه للكسر !؟!! .. فعلي قد ما الثقافة الشعبية بتلعب دور مهم في تشكيل عقولنا و ادراكنا علي قد ما فيه تعاليم مشوهه بتعدي علينا و بتستقر في لاوعينا و تأذينا علي المدي البعيد ..!
فعلموا ولادكوا اللي يعلمه حرف يصير له شاكر و ممتن مش يتحول لأله او غير قابل للخطأ .. علموا ولادكوا انه لو فضل راضي باللحاف القصير حتيجي عليه ايام مش حيقدر يواجه البرد و السقعة .. علموا ولادكوا ان محدش طبيعي عنده عقل يرمي طوب علي الناس !! .. علموا ولادكوا ان المشي جنب الحيط ذل و حبن و انه مضيع عليهم فرص عظيمة في الحياة .. علموا ولادكوا ان ضرب الحبيب عمر ما كان زي اكل الزبيب !! انما مفيش حبيب يضرب او يهين ! … علموا ولادكوا يفكروا في قناعاتهم و يراجعوها باستمرار .. و انه من الغباء تقديس فكرة او معتقد لمجرد بس انه شايع بين الناس او انه موجود من زمان .

https://www.facebook.com/Kirolos.bahgat.creativity/posts/10221383086513029