تجربتك في الحياة مهما بلغت من فشاخة لا تصلح لعمل كتالوج توصيات زي سافر، لا متسافرش،… اشتغل بفلوس قليلة فالأول وبفلوس متوسطة في النص ومتدورش على مش عارف ايه في الأخر… واتجوز بدري او اتجوز متأخر ولازم جوزك يكون فيه ال 93 حاجة دول و يكون بفتحة سقف و لازم مراتك تكون بعفشة رياضية وجرب فوانيس الاشارة قبل كتب الكتاب.
كل جو وصايا لقمان دا ملوش معنى لأن حتى وصايا لقمان كانت نصايح أخلاقية عامة جدا. والبني ادمين مش بينزلوا بكتالوج وشاحن USB والحياة راندوم جداً ووجودك في وضعك الاجتماعي والعملي والجغرافي الحالي هو نتاج كم لا متناهي من الصدف… كل واحد و تجربته و حياته و ظروفه وصحابه وحبايبه وأهله وطباعه وتجاربه الحلوة والوحشة اللي هتشكله بعيد عن نظرتك الفشيخة التي لا تعوض….مش عارف ازاي الناس بتدور تفرق كتالوجات كدة وانت شخصياً المفروض في حياتك بتاع 4 5 قرارات ندمان عليهم وزيهم مش متأكد صح ولا غلط لو بني آدم عادي يعني…