بص .. انا مع اننا نستعمل التقويم الهجري .. بس دا مش معناه اننا لو استعملنا الميلادي نبقى فاقدين الهوية .. طب ماحنا بنلبس بنطلونات و قمصان ماكانش العرب بيلبسوها زمان .. هل ده حرام؟ هل المشكلة هوية عربية أم هوية اسلامية؟ ام ماذا؟
و هل التقويم الميلادي مش تبع حاجة ربنا خلقها؟ هل التقويم الميلادي مش تبع الشمس بتاعة ربنا؟ .. هل عشان هما بدأوه قبلنا يبقى بقى بتاعهم؟ .. كلام محتاج فهم مش مجرد قص و لزق كلشيهات ..
الحقيقة ان ربنا قال : ان عدة الشهور عند الله اثنا عشر شهرا في كتاب الله يوم خلق السماوات و الأرض منها أربعة حرم .. و مادام منها ٤ حرم يبقى هي الشهور القمرية .. فبالتالي التقويم القمري هو المعتبر عند ربنا .. و دا يختلف عن انك تقول هجري .. لأن الهجري حاجة عملها سيدنا عمر مش النبي صلى الله عليه وآله و سلم .. بس كل دي أمور تنظيمية بحته .. زي الشغل من ٩ ل ٥ .. الأكل ٣ مرات في اليوم .. الأجازة يومين في الاسبوع .. مش لازم نطلعها بالعافية من الحيز ده