بعض تعليقات الناس على نصائحي – بتيجي من منظور إنّهم همّا شخصيّا غير مؤهّلين للنصيحة دي – وبناءا عليه – تبقى النصيحة غلط !!
زيّ ما تقول للاعب رفع أثقال مثلا – إبدأ التمرين ب 50 كيلو – وبعدين اختم ب 100 كيلو
ف تلاقي واحد بيقول لك – دي أوزان كبيرة
إنتا مااااالك – هوّا انا بكلّمك انتا
كذلك – لمّا تقول في نصيحة للبيزنس مثلا – استثمر المبلغ الفلانيّ بالطريقة الفلانيّة
ف تلاقي واحد بيقول ( ما انا أحسن لي اشتري شقّة وأأجرها للغير )
طاب انتا إنسان آخرك كده – برافو عليك
لكن – ما تفترضش إنّك عشان انتا مش عارف تستثمر فلوسك – يبقى الخيار الأفضل هوّا إنّنا ننصح الناس تشتري شقق وتأجّرها
ما فيه ناس أقلّ منّك بننصحهم يجمّدوا فلوسهم في دهب مثلا
الكلام لا ليك – ولا لبتوع الدهب
الكلام هنا للناس اللي بتدّور على الاستثمار وهي مؤهّلة ليه
طاب ما تخاطب الناس على قدر عقولهم
يا فندم اللي متابعينني عقولهم قدرها كده – إنتا لو عقلك أقلّ من كده يبقى انتا اللي جيت هنا غلط
زيّ اللي دخل الجيمّ غلط – مش مطلوب من مدرّب الجيمّ يقلّل أوزان باقي اللعيبة عشان فيه واحد دخل الجيمّ غلط