خد النصيحة من اللي إيده ف الميّه الباردة !
كتير بنسمع حدّ بيقول ( اللي إيده ف الميّه مش زيّ اللي إيده ف النار )
لكن !
أنا بقول لك – خد النصيحة من اللي إيده في الميّه الباردة
ليه ؟!
لإنّ اللي إيده في الميّه الباردة – بيفكّر بعقله فقط – مش بعواطفه
بل إنّ اللي إيده في الميّه الباردة رأيه في مشكلتك – أفضل من رأيك انتا
لإنك متأثّر بكون المشكلة دي مشكلتك انتا – مشكلتك الشخصيّة
وخد مثال /
تخيّل إنّنا مجموعة دكاترة قاعدين في مستشفى
ودخلت علينا حادثة
واكتشفنا إنّ المصاب في الحادثة دي هو إبن واحد منّنا
تخيّل الدكاترة وقتها هيعملوا إيه مع الدكتور أبو المصاب !
بالظبط
زيّ ما حضرتك قلت كده
ف – رغم إنّه أبوه – إلّا إنّه أسوء واحد يتعامل مع حالته