التصنيفات
مقالات الضيوف

حاجتين يفصلوك عن تمام النضج

وهتفضل عبيط لحد ما تعرفهم

حاجتين يفصلوك عن تمام النضج

وهما الإيمان ب #الرفض . و #الشر

الرفض

يعني تعرف تقول لأ

يعنى تعرف تنهي علاقتك مع الشخص غير المناسب ليك

يعني تقدر تسيب المكان الإيجار اللي اكتشفت إنه غير مناسب لشركتك

يعني تقدر تتراجع عن خطتك اللي الظروف اتغيرت وخلتها غير مناسبة

يعني تقدر تأجل المشروع لو فلوسه ما اكتملتش

والشر

يعنى تعرف إن فيه ناس شريرة لوحدها كده

شر بلا هدف

مش بيكرهوك عشان انتا أذيتهم . هما بيكرهوك عشان هما بيكرهوا

هما مش أذوك وهما مش واخدين بالهم . أو ما كانوش يقصدوا . أو ما يعرفوش إنك هتتضر من تصرفهم ده . لأ . هما عارفين . وقاصدين

هما بيقولوا كلام وحش مش عشان هما طيبين واللي في قلبهم على لسانهم . ولكن عشان اللي في قلبهم وحش

هما أشرار . بس انتا اللي لسه مش مقتنع إن فيه ناس أشرار . إنتا مقتنع إن كل واحد شرير هوا من جوا طيب . بس الظروف هيا اللي بتضطره يبقى شرير

والمفروض تقول لأ . بس انتا مقتنع إننا لو فكرنا شوية ممكن نلاقي حل

فهتفضل عبيط لحد ما تعرف إن دول أشرار فعلا
ولحد ما تعرف تقول لأ

المصدر