في جملة عظيمة بتقول :
(( احفظ الطريق كويس ،
عشان لما العشم ياخذك، تعرف ترجع لحالك. ))
عظمة الجملة ديه أنها بتلخص رحلة القرارات الإنسانية في كلمات بسيطة ..
مش لازم كل قرار الإنسان ياخده يطلع مثالي او يعود عليه بفايده او حتي يحقق هدفه ، بالعكس ده اغلب قراراتنا بتبقي عك في عك ، و بالرغم من كدة مفيش منطق ع الارض يقدر يمنع الإنسان من العك .. إنما المنطق و الحكمة أن لما يطلع رحلة العك يعرف يرجع لنفسه بسرعة و ميطولش هناك …
فاي طريق تكون شايفه مناسب لك – حسب معلوماتك و وعيك وقتها – انطلق فيه و عيش الرحلة .. بس دايما ادي احتمالية انك ممكن ف وسط الطريق تحس ان فيه حاجة غلط ، تشوف جانب مختلف يغير في ادراكك او وجهة نظرك ، تلاقي أن الموضوع من قريب مش بالصدق او الجمال اللي انت كنت شايفه !! .. فمهما كان طريقك ، عشان تعرف تمشي صح ومتضعش ،، لازم بوصلتك الثابتة فيه تبقي خطوة رجوعك لنفسك ..
لو مش عارف تظبطها من الأساس خليك في بيتكم لغايه ما تتعلم ..