ايات التفاؤل جت ورا بعض في سورة واحدة، ولما تقراهم تلاقي ترتيبهم ماشي معاك خطوة خطوة من بداية المشكلة لحد الخروج منها وتعويضك عنها
اولها “لا تدري لعل الله يحدث بعد ذلك أمراً”، دا ربنا اللي بيقولك، متفتكرش اللي حصل دا هيستمر
“ومن يتق الله يجعل له مخرجاً”. بس تراعي ربنا في تعاملك مع المشكلة وربنا هيحلها
“ويرزقه من حيث لا يحتسب”. راجع الأيتين اللي فاتوا هتلاقي كل آية مطلوب منك تعمل حاجة. يعني الاولى تحسن الظن، والثانية تحسن التصرف. أما الثالثة دي فا هدية من فضل ربنا
“ومن يتوكل على الله فهو حسبه” ونرجع تاني لحاجة مطلوبة منك، انك تتوكل عليه، والنتيجته أن ربنا يتولي أمرك، ويكفيك همك
“إن الله بالغ أمره قد جعل الله لكل شيء قدراً”، وكأن الآية بتقولك الباقي على ربنا. بس افتكر أن القدر مرتبط بالدعاء، وخير الدعاء الحمد لله
“ومن يتق الله يجعل له من أمره يسراً” وبيأكد عليك طالما مراعي ربنا في تصرفاتك، هتلاقي الأمور بتتسهل، وكأنه بيطمنك بأن لموضوع هيتحل
“ومن يتق الله يكفر عنه سيئاته ويعظم له أجراً” وبيرجع يأكد عليك، أنك طالما راعيت ربنا، لازم يعوضك بحاجة كبيرة
كان ممكن السورة تخلص هنا، بس زيادة من فضل الله بيوعدك .. “سيجعل الله بعد عسرٍ يسراً” من صاحب الفضل كله.