منشور تأسيسي لفكرة الاستشارات السريعة على السوشيال ميديا
فيه نوع أسئلة غلط إجابته هحاول أعرضها في المنشور وقولي رأيك في التعليقات
1/ سؤال اللي مكسل يبحث على جوجل أو يراجع المنشور المثبت
2/ سؤال المتكبر اللي بيختم كلامه شايف انه عارف كل حاجة بس ناقصه معلومة تافهة ملهاش لازمة
3/ سؤال الزنان اللي وهو بيذاكر عاوز يسألني على كل تفصيلة وهو بيتعلم ، حبيبي روح اتعلم اودوو وتعالى ولو مش عارف تتعلمه انا مش هقدر أفيدك ، أنا حاطه شرط للتواصل معايا أصلا
4/سؤال الفضولي اللي مش مستهدف من الصفحة ولا يخصه محتواها بس حابب يضيع وقتي
5/ واحد بيسأل لقريبه عشان قريبه مكسوف يسأل
6/ سؤال العميل اللي عامل نفسه متدرب وفاكر انه ممكن ياخد شغل ببلاش ، عموما طالما واحد شغال وعاوز دعم يبقى يخلي مدير الشركة يتعاقد معانا ،مش بجاوب حد على بيانات شركة محتاس في حساباتها
7/السؤال المكتوب بسوء أدب وده بيظهر من عدم اهتمام صاحبه باستعمال كلمات زي حضرتك وبعد إذنك ولو سمحت
8/ سؤال السفسطة والجدال اللي هو واحد باعت لي هل المحاسبة ينفع تخليني مليونير
9/سؤال عن حد تاني وعاوزني أقولك حلو فترجع تحاسبني على غلطاته أو وحش فتروح له باسكرين توقع بينا
10/ سؤال قليل الأدب اللي بيتدخل في حياتي الشخصية وبيسأل عن تفاصيل متخصوش
11/ سؤال الغامض اللي مثلا يقولي قدامي وظيفتين ومحتار بينهم ومش عاوز يقولي مرتبهم كام ، وكمان عاوزني أحكم بدون ما أعرف الرقم
12/ السؤال الاستنكاري اللي آخره علامات استفهام وتعجب كتير و وشوش مبحلقة
13/ سؤال الكذاب اللي صيغة سؤاله بتقول انه بيحور