التصنيفات
مقالات الضيوف

انت شغال كمرحلة لعمل بيزنس

ولا شغال كموظف، وايه الفرق؟

شيرت بوست ل د حسين بكري إنك لازم تشتغل ١٠ سنين عند الناس قبل ما تعمل مشروعك

فأكتر من حد قالوا ( ياااااه . كتير قوي )

.

السؤال هو

لو انتا اتخرجت من الجامعة عندك ٢١ سنة

اشتغلت ١٠ سنين عند الناس

هيبقى عندك كام سنة دلوقتي ؟!

٣١ سنة

.

السؤال هو

حضرتك عندك كام سنة دلوقتي

إيه ؟!!

.

معظم الناس اللي علقوا بإن ال ١٠ سنين كتير . عندهم أكتر من ٣١ سنة

.

عرفت منين ؟!

ما انا عندي إحصائيات الصفحة . وعارف أكبر شريحة عمرية بتتابعني

.

يعني فكرة ال ١٠ سنين دي مش #كتير_قوي ولا حاجة

إنتا لو التزمت بيها . هتعمل مشروعك وانتا طفل عنده ٣١ سنة

فال ١٠ سنين مش كتير ولا حاجة

إنتا رافضهم مش عشان كتير

ولكن عشان الأسباب التالية

.

أولا /

.

الناس مستكترة ال ١٠ سنين . لإنهم قعدوا ١٠ سنين شغالين موظفين . لكن ( وهنا مربط الفرس ) ما كانوش شغالين كمرحلة #لعمل_بيزنس

.

يعني كان موظف بيروح الشغل الصبح . يمشي بعد الظهر وخلاص

.

ما كانش بيركز مع صاحب الشغل بيدير الموظفين ازاي

.

ما كانش مركز صاحب الشغل بيتفق ازاي في البيع والشراء . بيعمل إيه في التحصيل والمتأخرات

.

ما كانش مركز حتى الشركة بتبعت إيميل ازاي !!

.

فلما تيجي تقول له انتا محتاج تشتغل عند الغير

هيقول لك ( كلامك مش عملي . الشغل عند الغير مش هيفيدني بحاجة )

.

ليه ؟!

لإنه اشتغل ١٠ سنين ما استفدش بيهم حاجة

.

هوا اللي ما استفادش

مش هما اللي مش مفيدين

.

السبب التاني /

.

هوا اشتغل ١٠ سنين عند الغير . وما كانش بيدخر لمشروعه الخاص

فلما تيجي تقول له انتا محتاج ١٠ سنين شغل عند الغير

هيقول لك مش مفيدين

.

السبب الثالث /

.

هوا خلال ال ١٠ سنين . ما جربش يعمل أي شغل لنفسه . ولو نموذج صغير

.

كان شغال مهندس صيانة . لكن عمره ما جرب يصلح ماكينة لمصنع

.

كان شغال مسؤول مبيعات . ومدير مبيعات . وما جربش يشتري حاجة بنفسه ويبيعها

.

كان شغال طبيب أسنان مثلا . وما فكرش مرة يجيب مستلزماته من المصنع بدل ما يجيبها من التاجر . مش عشان السعر أرخص . ولكن عشان يحتك بالمصانع والمواصفات

.

أخيرا /

بييجي يسمع نصيحة ال ١٠ سنين دلوقتي . وهوا عنده ٤٠ سنة مثلا . فيقول لك . لا . مستحيل . عاوزني اعمل مشروعي وانا عندي ٥٠ سنة

.

فهوا رافض النصيحة مش عشان هيا غلط . ولكن عشان هوا مش مستعد يلتزم بيها

.

إحنا مش بنقول لك ضيع عمرك في الوظيفة

ولكن بنقول لك حافظ على عمرك وفلوسك ومجهودك بالوظيفة

.

لكن . #مربط_الفرس . هوا إنك تبقى إيدك في الوظيفة.
و #عينك_على_البيزنس.

المصدر