في مقولة مشهورة في الشغل وهي:
People are Hired for their Skills and Fired for their Behavior!
يعني اه بتدخل حد الشركة علشان شاطر اوي في اللي بيعمله، لكن رغم انه شاطر اوي ألا انك مش بطيق سلوكياته فبتمشيه.
اعتقد اقرب حاجة للموضوع ده في العلاقات الشخصية هتبقى اننا بنقرب للناس علشان صفاتهم وبنبعد عنهم علشان اللي بيخلونا نحس بيه عن نفسنا.
فأحنا غالبا بننجذب للناس علشان صفات فيهم متفقة مع معاييرنا لكن بنكمل مع اللي بيخلونا نحس احساس كويس عن نفسنا حتى لو مكنوش فيهم المواصفات اللي احنا كنا شايفينها مهمة في الأول.