باعشق الألاعيب اللفظية بتاعة امتحانات الثانوية العامة، مفرد شلاضيم، وجمع زنجبيل، مرادف عفريت، وعكس أباچورة، إلى آخر هذا الهراء، باعشقها لإن فيها اعتراف ضمني جميل إننا مش جايين نتعلم هنا، ولا نكتشف العالم ولا نتعرف ع اللغة كوسيلة للتعبير، إحنا جايين نلعب ألعاب ذكاوة وفهلوة عشان نعدي من مصفة حكومية عملاقية، عزيزي طالب الثانوية ما تنساش إنت جوه إيه، وما تنساش نهر المسيسيبي بيصب فين، وابقى صبلي معاك.
By: Mohamed Khamis
المقياس الحقيقى للغة العربية انك لما تفتح المصحف تعرف تقرأ من غير ماتغلط عشرين غلطة تشكيل فى صفحة ، لكن جمع وحى و زهرة و مذكر نملة و مفرد كانزات و العجن ده يتعمل فى برنامج مسابقات على قناة حبيشة
By: Mahmoud AAmir
فكرة ان الاستاذ او واضع الامتحان مش عايز يقيس مدي قدرة فهم الطالب للمعلومة، ولا حتي حفظه ليها، ولا قدرته علي الاستفاده منها في الحياه العمليه
هو جاي يطلعله لسانه ويقوله بص هنقصك درجات ازاي
By: Mohamad Ansary